陳榮峻吳香倫大婚 黃日華到賀細說兄弟情：個天終於眷顧佢
撰文：吳子生
出版：更新：
無綫「綠葉王」陳榮峻周二(11日)與吳香倫在九龍灣舉行婚宴，與陳榮峻相識40多年的黃日華亦有到場祝賀一對新人，華哥受訪時細說與新郎哥的兄弟情：「大家合作過好多部戲，在拍劇當中有好多辛酸，大家都互相鼓勵扶持，因而十分投契。好多年前佢回復單身，都驚佢以後嘅生活唔知點過，咁而家個天終於眷顧佢，畀個好嘅老婆佢，陪佢共渡餘生。見到自己好兄弟可以搵到終身伴侶，一齊工作一齊去旅行，生活充實啲，見到佢近呢幾個人開朗返，都好戥佢開心。」
黃日華好開心陳榮峻這位好兄弟今日結婚。（黃國立攝）
提到世界盃，既會踢波又會睇波的華哥便指自己的愛隊是巴西和西班牙，但結果都令他好失望。講到好友譚詠麟即將遠赴俄羅斯睇決賽，華哥便坦言好想隨隊：「但撞咗期要返內地工作，唯有再等4年啦！」
黃日華好想同譚校長成班人去俄羅斯睇世界盃。（黃國立攝）