【開心速遞】曹總開IG扮後生仔：我唔係好識玩
撰文：張嘉敏
出版：更新：
曹總喺劇入面好搶鏡。
無綫處境劇《愛‧回家之開心速遞》中的曹總 ((林一飛飾) 雖然係配角，戲份唔係特別多，但每次他出場就好搶鏡，劇中的曹總雖然是一名來自大陸的土豪，但為人正直又有情有義，肯講道理，性格相當討好，所以深得網民的歡心。早前仲有一集就係講曹總追求熊若水 (呂慧儀飾)，曹總於這集就盡顯他的紳士風度，都有一刻打動了若水㗎。
估唔到曹總都有IG。
佢仲淨係Follow咗若水 (呂慧儀) 一個。
最近曹總竟然開了IG，短短6日已有6千幾followers，認真犀利，雖然不少人都懷疑是不是真身，不過大家可以放心，《香港０１》打了給曹總確應，他說：「喺公司叫我開，我其實好少玩呢啲嘢，唔係好識玩。」雖然曹總在劇中充滿喜感，但現實中的他原來好低調，「我其實除咗工作，都好少做訪問，因為公司有規矩，我亦有配音的工作，《開心速遞》加咗集數，我都應該繼續有啩？（你剩係follow咗呂慧儀喎）係咩？我唔知喎...哈哈。」只follow一人，橋段似足日劇《大叔的愛》入面的情節一樣，開個IG只follow唯一的心上人，曹總呢招好冧呀，估唔到曹總戲裡戲外都咁可愛，網民都大讚他識玩，話他夠晒連戲。就算忙住拍劇同配音的工作，他都會抽時間回應網民在他IG上的留言，同網民互動，難怪咁得大家喜愛。
佢嘅鐵漢柔情有一刻打動到水水。
一齊睇下曹總嘅精彩演出：
+10