【後生仔傾吓偈】馮盈盈成日做錯事傷害男友 麥明詩:錯在拍咀戲

撰文:
最後更新日期:

FYY抽完塔羅牌之後,即時感到崩潰。

最新一集《後生仔傾吓偈》以「身邊總有個神婆」為主題,並搵來塔羅牌專家Sandy為FYY馮盈盈同麥明詩預測姻緣。向來都唔避諱談及戀情嘅馮盈盈一嚟就已經係「會唔會同男友開花結果」,之不過,當佢見到自己抽出嘅三張牌分別係命運的嘲弄、能量同傷心欲絕時,真係差啲暈。

馮盈盈話自己成日因工作關係而向男友發脾氣,男友雖然會體諒,但亦都有叫佢盡快適應。

塔羅牌專家Sandy指「命運的嘲弄」正係馮盈盈對男友的狀況,並解釋:「大家都好似唔喺right timing之上」馮盈盈聽完即時話好準,並指明天難得放假,可惜醫生男友要on call。至於「能量」一牌,就係男友對馮盈盈的看法,塔羅牌專家Sandy醫生男友無論有什麼都想與馮盈盈分享,並且不追求回應,馮盈盈頻頻點頭表示認同,亦透露與男友經常有傾唔完的話題。咁到底點解會出現「傷心欲絕」的將來呢?塔羅牌專家Sandy就指出「現階段係唔得,原因係你成日都會做錯事。」麥明詩聽完就多口話馮盈盈最錯就係拍劇同對手有咀戲,6號亦接著問:「呢啲其實會唔會嬲?」馮盈盈好直接咁話:「緊係嬲啦,嬲到阿媽都唔認得!」

麥明詩塔羅占卜指佢身邊會有好多桃花,但壞多過好,專家又指麥明詩感情路上曾經受過傷害,令佢依家唔敢太過開放自己,麥明詩雖然表示no comment,但表情就承認了一切。

塔羅牌專家Sandy之後又指出馮盈盈會不時做出傷害感情的事,例如係發脾氣,結果又中晒!馮盈盈笑言自己日日都發脾氣,並指係因為工作太累所致。「寶寶(男友)都好耐性咁陪我,第二日會好冷靜咁同我傾返,又話我份工唔係打一兩年就完,叫我快要啲適應……」對於呢次的占卜,馮盈盈真心表示好準,更提議收工後同塔羅牌專家Sandy食餐飯,似乎對於同醫生男友的將來真係好擔心。

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。