【BB來了】黎諾懿聞「媽媽谷」色變 李佳芯即Join真係港媽必入?

撰文:
最後更新日期:

作為香港媽媽,對呢啲媽媽聚會一定好熟悉。(影片截圖)

個個媽媽都話自己忙到不得了,在職媽媽工作忙返到屋企更忙,全職媽媽更加要24小時ON Call年終無休。不過大批媽媽最近再忙都要追劇,講緊嘅係TVB新劇《BB來了》,因為佢地好有共鳴呀﹗當中提到嘅「港媽王國」媽媽谷,女觀眾聽到不禁笑出聲,開電話數下自己入咗幾多個,男觀眾就話:「好似邪教一樣信徒遍佈全港﹗」到底媽媽谷咩嚟?有咩咁吸引?

Ali同黎諾懿於街頭被同學仔邀請加入媽媽谷。(影片截圖)

【BB來了】李佳芯演活媽媽情緒起伏 生仔似走過鬼門關無誇大

當知道老婆加入媽媽谷,好多男觀眾反應都會同黎諾懿一樣……(影片截圖)

劇中Ali產檢後喺街頭,撞見產前班嘅同學仔被邀請入媽媽谷,見到黎諾懿即時一臉嫌棄,唔少網友都笑言:「老公話好似邪教唔俾入呀﹗」媽媽谷其實正解係媽媽Group,孕婦於Facebook、Wtsapp認識同路人,就如Ali所講:「有跟地區有按生B月份,可以交流下生B同湊B心得,仲有定期聚會﹗」

估唔到Ali會由港女變港媽。(影片截圖)

佢地即時就跟咗去媽媽谷聚會,黎諾懿作為場內唯一男士實在大開眼界,眼見在場媽媽挺住籮咁大嘅肚,一時呻:「怕有妊娠糖尿醫生唔俾亂食嘢。」一時又八卦下貪靚媽媽曬命。在男士眼中睇落,黎諾懿只覺得:「一班師奶自暴自棄,講是非吐苦水FF自HIGH。」仲相當擔心老婆Ali由高學歷有氣質嘅港女淪落成港媽。

好多老公講到出口,覺得媽媽谷係邪教一樣。(影片截圖)

【BB來了】女強人忽然Bingo做媽媽 李佳芯忐忑心情網友讚有共鳴

媽媽之間嘅術語,62=老爺,99=奶奶,C6=死佬,C9=師奶。(影片截圖)

所有會入媽媽谷嘅人,都係為咗知更多,俾最好嘅嘢BB。(影片截圖)

不過作為媽媽嘅Ali就會明白媽媽谷嘅重要性。無論有無返工,丈夫再體貼,都無可能24小時陪喺身邊,由剛開始懷孕搵邊個醫生好,身體出現微妙變化不知所措,即時去Group內問同路人,回覆可能比上網查Wiki,即時Google都要來得快狠準。好似Ali劇中咁,因為子宮漸大壓住膀胱,每晚要起身去幾次洗手間,到BB出咗世每隔兩個鐘起身餵夜奶,身邊人都未必可以次次起身陪伴,反而到Group呻幾句,知道大家都一樣經歷,反而心情會好返啲。

由懷孕到BB出世,到搵學校都可以同媽媽谷會員交流,難怪Ali一定要入啦。(影片截圖)

林淑敏生B後老公唔喺身邊,忍痛行去餵BB時好在遇到谷友Ali幫忙。(影片截圖)

+6
+5
+4

【BB來了】李佳芯盧苑茵展婆媳大戰 新抱奶奶永遠睇對方唔順眼?

日日孕吐嘔足七個月,箇中辛酸真係只有同路人知。(影片截圖)

戲中BB俾奶奶Madam Lo唔小心整到流血,媽媽Ali當然心痛。(影片截圖)

當下唔可以即刻帶BB去睇醫生,Send張相去媽媽谷都有人即刻幫到手,林淑敏傳俾相熟醫生睇話無大礙先令Ali放心。(影片截圖)

身邊有朋友足足入咗5個媽媽谷,跟地區嘅可以問區內邊個產科兒科醫生比較好;醫院谷可以問走佬袋執啲咩;同月谷大家懷孕階段相約,可以互相提醒幾時做無創幾時照結構,飲糖水測糖尿超標可以點做;到BB出咗世可以搵到一堆同年同月同日BB一齊聚會,由出世起就幫小朋友搵定朋友仔。人多仲可以爭取到團購優惠,買尿片奶粉靚靚BB衫都可以有Discount,慳得一蚊就一蚊,齊齊做個精明嘅靚媽﹗

懷孕期間不停醒去洗手間,生B後餵夜奶都可以同媽媽谷傾訴。(影片截圖)

人多好辦事,齊齊book奶粉尿片量大自然有得平啦。(影片截圖)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。