楊冪銀行得十萬唔當係錢 年賺過億收入去晒邊？
撰文：鄺鈺瑩
出版：更新：
楊冪連續幾次話自己無錢，主持人都以為自己聽錯。
楊冪貴為國內當紅花旦之一，加上旗下的的工作室有迪麗熱巴呢隻金蛋，年賺過億不是夢，不過佢日前接受內地節目《四味毒叔》採訪時，當聽到主持人就話：「工作人員透露你每次都裝沒錢。」後，就好肯定咁話：「我卡裡真沒錢。」並解釋公司每次出糧都直入爸爸戶口，然後爸爸定期俾零用錢。
由於爸爸負責管理財政，所以楊幂都有試過買嘢無錢轉唔到賬，發生呢個情況，哩有再叫爸爸過錢……（網上圖片）
作為一個已經31歲已婚女人,竟然仲係由爸爸管理自己的財務？真係講出嚟都無人信，就連主持人都覺得不可思議，於是又引伸另一個問題：「那你怎麼發紅包（意指微信紅包）？因為卡要跟銀行綁定。」楊冪就話自己會發紅包，並細細聲咁話：「五萬、十萬還是有。」但亦再三強調自己「沒錢沒錢」，對於年賺過億的楊冪來說，五萬、十萬又真係塵埃都不如嘅。而在訪問中，楊冪亦有提到有時早收工，就會去父母家吃飯，但亦都有試過父母因為打麻雀唔煮飯的情況，「於是就到鄰居家蹭飯，前兩天剛去佟麗婭家蹭飯。」邊個會信？！