Cheronna拍住KB玩爆泰國 變身做人妖娘娘做騷

撰文:
最後更新日期:

Super Girls成員吳嘉熙(Cheronna)早前首次與李健宏(KB)合作,拍攝KB製作的旅遊節目《玩X爆泰國》。節目中,KB繼續發揮喪玩本色,走訪多個泰國地方「搞搞震」。其中KB與Cheronna於當地欣賞人妖騷後,興之所至,二人索性踩入「人妖學校」學做人妖,見二人先與當地人妖近距離接觸,最後更要「變裝」做人妖騷。Cheronna表示︰「我哋睇完表演後,就要去學校,著佢哋啲衫跟住模仿番個騷表演唱跳。我以前見過人妖表演,但今次係去佢哋間學校睇佢哋台上表演,特別去學如何妸娜多姿,係好開心。」

Cheronna大讚人妖舉手投足都靚到爆,笑言麻甩的她自愧不如︰「近距離見佢哋,覺得仲靚過女人,我作為女人覺得自己好麻甩,反而佢哋食嘢斯文,一啲小動作都靚過好多女人。」提到與KB一起「人妖初體驗」,Cheronna表示︰「我同KB都化咗妝,係人妖幫我哋化,其實都好辛苦,因為我哋學埋古裝,戴好重假髮,真係唔簡單。」變裝後,Cheronna即時與男友黃奕晨開心share,不過男友似乎鍾情KB的造型,她又稱KB有做人妖潛質︰「KB化到好好笑,其實佢好有潛質做人妖,因為佢好有表演慾,只係佢個樣唔夠女人,始終有點男人味道 ,所以可能要去整容。」

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。