【3日2夜‧多圖】鄺潔楹仙氣終破功？ 外籍男一句話嚇至花容失色
撰文：陳栢宇
出版：更新：
曾經為《3日2夜》去台中、北海道兼登上郵輪的鄺潔楹（Judy）最近再為節目出埠，與伍樂怡（Kelly）到關島上天下海，而節目亦會在今晚（14日）無綫翡翠台播出。首次去關島的Judy坦言自己一直都好鍾意陽光與海灘：「當地景色真係好靚，海水好清澈而且好鹹，聽聞水越鹹代表水質越乾淨。」
不要以為Judy嬌滴滴就不愛刺激活動，她在旅程中便人生首次玩跳傘更一試愛上：「事前一日淨係瞓咗三個鐘，所以上到飛機時都係迷迷糊糊咁，直到臨跳一刻先有少少緊張。喺半空中跳出去之後，就成個人醒晒，望到大地在我腳下嘅美景，感動到有少少眼濕濕。」
鄺潔楹早前與伍樂怡到關島拍攝《3日2夜》，有關部分於今晚（14日）播出。
估不到白淨淨嬌滴滴的鄺潔楹都喜歡玩刺激活動。
除了跳傘，Judy亦嘗試了駕駛小型飛機，當中更出現了一段小插曲：「位外國教練好百厭，佢揸到半空時，突然問我『想唔想有啲刺激』，起初我以為都係掟個彎咁，點知佢突然熄咗個飛機引擎，搞到架飛機迅速墜落，3、4秒後佢先開返個引擎，但我已經嚇餐飽，以為會墜機。」
提到此行Judy不時以性感泳裝亮相，問事前有否特別準備？她坦言因為要關島天氣炎熱，即使不着水著都要穿背心加短褲仔，所以之前都有努力跑步Keep Fit同操實手臂肌肉：「拍完泳裝鏡頭後，我同Kelly即刻放肆暴食，可能食到第二日上鏡時有啲口腫面腫，希望觀眾不要介意，哈哈！」
拍攝節目時驚駛小型飛機的鄺潔楹因為外國教練一句「想唔想要啲刺激」而嚇餐飽。
鄺潔楹在節目多以性感泳衣上陣。
點擊下圖欣賞《香港01》為Judy影的靚相：
+5