鄧麗欣默認同王子拍拖 叫大家手下留情畀佢哋發展

撰文:
最後更新日期:

鄧麗欣(Stephy)周日(15日)出席蝴蝶保育活動,早前傳出34歲Stephy同29歲台灣藝人王子(邱勝翊)拍拖,Stephy說到一直都希望感情事低調,「我覺得有時候我哋呢一行好難嘅就係我哋生活都會好透明,都好明白大家好關心我呢一兩年嘅感情狀況,亦都好多謝大家關心,希望各界手下留情,畀多啲空間我哋發展。」言下之意Stephy默認咗與王子之間嘅戀情,但關係發展到乜地步呢?更有說已經見咗家長,Stephy笑說自己好乖,「我讀書時候唔洗見家長,係囉。」

而今次Stephy係第一次擔任蝴蝶大使,Stephy覺得保育呢件事情好重要,「可以教育小朋友,令到佢哋知道大自然嘅重要,所以我覺得呢一件事好緊要。」其實藝人做慈善活動係唔係一種義務呢?Stepy話:「其實做義工又好,做所有大使都好,我自己都可以話一個義務或者目標,盡自己能力希望帶到更多訊息畀大家,我覺得呢一個都係做藝人其中一個最有意義嘅工作。」

鄧麗欣(Stephy)出席蝴蝶保育活動。(葉志明攝)

人又靚心地又好,工作方面更加唔洗講,自從Stephy轉型之後演藝事業算有好發展,奪獎無數,早前更憑電影《空手道》喺第十七屆亞洲紐約電影節奪得新人獎,Stephy坦言好開心,「呢一個獎都係第一個香港演員拎到,所以真係非常開心同榮幸,所以更加令我覺得有一種責任,將來自己嘅日子希望電影方面畀到一個驚喜大家。」電影圈亦成為「搶手貨」,嚟近電影方面一部接一部,Stephy笑說希望會係啦,「希望有選擇啦,希望會選擇到一啲好劇本,不過要有得揀先可以。」

Stephy講到希望電影工作方面會畀到驚喜大家。(葉志明攝)

事業受到大家關注之外,同樣感情都係,因為早前傳出Stephy同台灣藝人王子(邱勝翊)拍拖,今日當然唔會放過Stephy問呢個問題啦,Stephy說到一直都希望感情事低調,「我覺得有時候我哋呢一行好難嘅就係我哋生活都會好透明,都好明白大家好關心我呢一兩年嘅感情狀況,亦都好多謝大家關心,希望各界手下留情,畀多啲空間我哋發展。」言下之意Stephy默認咗與王子之間嘅戀情,但關係發展到乜地步呢?更有說已經見咗家長,Stephy笑說自己好乖,「我讀書時候唔洗見家長,係囉。」
 

問到Stephy與王子之間嘅戀情,佢回答希望大家畀多少少空間佢哋。(圖片來源:Stephy微博)

+5
+5
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。