李佳芯無懼公司「封口令」網上發表世界盃言論 網民大讚Ali勇敢
撰文：賴家杰
出版：更新：
昨日（15日）舉行世界盃決賽，法國ＶＳ克羅地亞，比賽已經完結，雖然克羅地亞輸咗呢一場比賽，但克羅地亞永不放棄嘅精神已經贏得大眾市民嘅掌聲。早前TVB傳出禁止藝人討論世界盃嘅新聞，唔少TVB藝人亦都冇公開討論，但昨日決賽實在太精彩，女神李佳芯（Ali）亦都喺自己社交網站公開發表觀後感，「這個舞台，有熱血、有理想、有冀盼、有笑與淚亦有意想不到。逆境不可怕，身處逆境仍保留打不死精神，可敬。人生舞台如是，繼續耕耘。不捨這片草地。」
Ali睇完世界盃決賽發表個人感受(網上截圖)
Ali今次高調發表世界盃感受深得網民讚賞，有網民大讚Ali勇敢發言，因為指TVB要封口都勇敢講出嚟，亦都有網民擔心Ali呢次發言，因為大家都好似知道大台好「小氣」，不過４年一度世界盃，睇下都好正常，無綫應該唔會捉Ali傾偈啩？
網民對於Ali嘅發表言論，網民欣賞Ali勇敢同時都好擔心佢。（網上截圖）