【世界盃】鄭欣宜與數百球迷見證冠軍誕生 撐法國球員後生夠活力

撰文:
最後更新日期:

鄭欣宜(Joyce)和王宗堯(Greg)星期日晚在奧海城出席 ViuTV舉辦的《全民睇波》派對,吸引了數百人圍觀,一同參與世界盃決賽賽前熱身活動。Joyce跟Greg兩人分別支持法國及克羅地亞,最後賽事最終由法國勝出,Greg表示兩隊上演了一場精彩大戰給大家欣賞。Joyce 在活動中獻唱新歌《黑彩虹》,平日甚少睇波的Joyce表示四年一度的世界盃大戰一定要睇吓,謂:「身邊好多朋友都睇,今屆我就支持法國隊,覺得佢哋後生啲,比較有活力,勢頭好勁。」

近期除了忙於宣傳《黑彩虹》外,Joyce 亦到馬來西亞參與電影拍攝工作,笑言:「又可以歎當地美食,之前去做《 黑彩虹》宣傳時,最鍾意食榴連雪條,我食到連過海關時都仲食緊, 真係笑死人!不過最重要係可以跟電影前輩一齊拍攝, 可以俾我跟佢哋學吓嘢。」

另外,Greg 支持的克羅地亞雖然落敗,但他認為雙方上演了一場精彩賽事,說:「支持克羅地亞係因為佢哋嘅精神,有永不言敗嘅奮鬥心,所以我好欣賞佢哋。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。