湯怡憶拍《某日某月》：「分手個幕好觸動我」

湯怡 (Kathy) 今日 (16日) 出席服裝店活動時，大談拍《某日某月》時的心路歷程。她說自己已慢慢忘記學生時代的日子，但一穿上校服時就所有回憶也重新湧現：「我以前都會暗戀下男同學，又會放左學走去睇班男仔踢波。」問到電影中最難忘的一幕，Kathy選了和男主角旭日 (原島大地飾) 分手的那場戲。「同大地分手個幕好觸動到我，因為我可以感受到以前同而家嘅戀愛有幾唔同。而家呢個年代就算係long distance，落左飛機都可以Facetime見返對方，但以前個種離別係一分開就唔知可以幾時再見。」Kathy說正因為以前維繫一份得來不易的感情是如此困難，所以以前的人才會更加珍惜每一段愛情。

憑《某》中「子月」一角一鳴驚人的Kathy現正值上升期，Kathy亦希望能嘗試不同類型的角色：「其實我除左斯文乖女之外嘅所有角色都想嘗試。可能我俾人嘅第一印象係斯文同有少少cool，但熟悉我之後就會知道我係好開朗，好癲，所以希望可以俾多啲唔同形象大家睇。」Kathy更直言每個女演員都一定會有當影后的夢想，但她目前只有一個目標：「希望呢幾年可以有一個代表作，令所有觀眾記得我。」既有雄心壯志，也不忘腳踏實地，相信Kathy終有一天會圓影后夢。