唐詩詠因「捱得太多」失聲 謝絕社交一年為沉澱自己
撰文：林通賢
出版：更新：
唐詩詠近來拍攝工作頗為緊湊，剛剛拍完《白色強人》，接下來又要開拍《解決師》，面對劇接劇的生活，詩詠又會否覺得辛苦，她表示：「其實做咗咁耐嘢都習慣咗，自己唔會覺得辛苦，以往都經歷過劇接劇嘅生活，不過唔知係咪捱得太多，有時身體都會有啲病痛出現，例如前排試過突然之間失聲。」詩詠亦想盡辦法忙裏偷閑去放鬆自己：「其實拍攝工作都幾緊密，都好難抽倒一段時間去邊度玩，所以我會選擇係屋企休息，其實朋友都習慣晒我會突然消失五個月甚至一年，我會喺屋企瞓下覺睇下書，俾個空間我沉澱落嚟安靜一下。」
唐詩詠、湯怡兩位被網友形容為「最佳女朋友」的藝人，今日一同出席活動。
若果之後安排到長假期，未知詩詠有想要去哪裏度假呢？她笑言自己有很多目標：「我有好多地方都想去，最想去嘅就係西藏，所以你一兩年我會搵啲適合嘅人，喺適合嘅時間去一次。仲有世界盃，我今年睇完之後同自己定左一個目標，就係四年之後我要去現場睇！」
唐詩詠表示可能自己捱得太多，身體亦出現病痛，近日更突然失聲。（陳順禎攝）
+4