【入住請敲門】雲頂最猛鬼酒店 遊客唔怕死挑戰：Worst ever
撰文：鄺鈺瑩
出版：更新：
林婷勇闖猛鬼酒店停車場。（影片截圖）
香港人對馬來西亞雲頂高原絕不陌生，在Google只要輸入「雲頂高原」，隨即有無盡真實鬼故事彈出，《入住請敲門2》今次挑機位於雲頂、半荒廢的公寓式酒店。有傳曾有4名青年入住後，晚上因聲浪太大而遭男子拍門投訴，但青年開門後發現走廊空無一口，第二天早上他們離開房屋時，發現對面的房屋完全「消失」。
酒店外牆有某一部分帶有紅色，睇落都幾恐怖。（網上圖片）
如果有興趣挑戰膽量，唔少旅遊網都可以訂到呢間猛鬼酒店。有曾經入住的客人，指酒店差到無朋友。
另外，該酒店亦曾為電影《怨靈》的拍攝場地，導演李勇昌宣傳電影時就曾經話過，酒店有唔少房間被上鎖兼用木條封實，為了呈現效果，工作人員找來保安解鎖，保安到場之後，面有難色表示自己都無鎖匙，幾經要求後，保安口中念念有詞說到：「大哥你可以不要再為難我嗎？」門鎖突然自動打開，導演進入房間後，並未有感到異樣，但他與副導步出房後，一個手指流血一個頸流血，其實他們才得知該房間曾經有傳一對負債累累的夫婦帶同5名小孩入住後，將小孩殺死後跳樓身亡。而導演在完成《怨靈》拍攝後，足足病了一年有多。
上鎖都唔夠，仲要落埋木條封實，真係閒人免進。（網上圖片）
電影《怨靈》於雲頂猛鬼酒店拍攝，有指當時探班的記者在「解封」的房屋內，見到小朋友跑來跑去。（網上圖片）
雖然因經出傳出怪事而被封為亞洲最猛酒店，但有網民今年就曾經走坊該酒店，由影片所見，雖然唔少地方已經都又殘又舊，但餐廳及其他商鋪仍然有營業，所以並非如外間所指的「死城」，之不過，走到較高樓層時，馬上有恐怖的感覺，而網民離開雲頂時，試圖拍攝「食人頭女鬼」的公路，可惜他之後發現在該路段所拍攝的影片全部不能播放……
猛鬼酒店內部逐格睇
+5