【書展2018】劉佩玥做一日店長谷新書:冇諗過迴響咁大!

撰文:陳栢宇
出版:更新:

港姐出身的劉佩玥(Moon)今年首度出書,以文字相集《我的微笑之道》在「香港書展2018」中插旗,以過萬文字加美國靚相,用「仙氣女神」姿態硬撼一班寫真模特兒。今日(18日)早上書展正式開鑼,Moon以「一日店長」身分到攤位谷書,更以低胸晚裝長裙亮相,吸引過百粉絲前來支持,而Moon的父母、胞弟,好友伍允龍和王子涵亦有來到打氣。

劉佩玥今日到書展做一日店長,宣傳其文字相集《我的微笑之道》。(吳子生攝)

Moon接受《香港01》訪問時表示自己從沒想像過有如此大批書迷支持:「尋晚我化妝師仲同我講『會唔會冇人買』,我就話應該有百幾二百本啩,到今日我先知迴響咁大。我今次係嘔心瀝血送晒自己嘅真誠出嚟,所以好開心。」她坦言今次印了3000本書,若銷量好或考慮加印,之後亦應該會推出網上訂購:「但其實我冇諗過印幾多本先最好,同埋網上訂購可能同書展版唔同,但詳情未公開住!」

劉佩玥坦言沒有想過反應如此熱烈。(吳子生攝)

Moon坦言自己並不想身邊好友大手入貨,因為創造高銷量非其初衷:「我係想多啲讀者可以喺我嘅書裏面得到能量,睇完後借畀親戚朋友都OK,我就係想分享。」問家人是否已睇新書?她笑認未睇:「但媽咪睇咗初稿,佢話『OK啦』,然後就行開咗,我問『其實劉太你會唔會有啲Comment』,然後佢話『冇,幾好』,不過我今日見到佢都好開心。」

劉佩玥指緋聞男友周志文會在20號前來支持。(吳子生攝)

提到緋聞男友周志文,問對方何時才會來撐場,Moon謂:「佢20號嚟,佢會同Happy Live其他成員一齊嚟,即係周志康同翟威廉佢哋,至於好姊妹陳瀅同何雁詩就嚟唔到,陳瀅唔喺香港,何雁詩就要開工。」她說可能動筆寫作時感覺孤單,所以一眾朋友都向她加倍奉獻愛。

+9
你可能感興趣