【入住請敲門】林婷勇探猛鬼酒店震驚觀眾 監製：要畀多次機會佢
撰文：鄺鈺瑩
出版：更新：
雖然話有工作人員陪，但要巡樓兼搵命案現場，普通人都未必夠膽啦。
《入住請敲門》第一季搵嚟林婷同莫竣名做主持，但結果因為林婷細膽，成日都將「唔得呀！真係好驚！」掛嘴邊，結果惹來怒罵。《入住2》今個星期首播，ViuTV遲遲唔公開女主持身份，直到第二集播出前當日下午，透過facebook專頁釋出預告，原來都係林婷！隨引有不少負評留言。
今集挑機雲頂猛鬼酒店，巡埋落停車場，連師傅都話靈體多到頭疊頭，但林婷就好大膽咁去行晒全場，推門呢吓更令唔少觀眾對佢改觀。
不過，第二集播出後，網民都紛紛大讚林婷淡定且進步了不少。其實林婷今次挑機馬來亞來雲頂嘅酒店，早已經因為發生過不少命案而半荒廢，林婷除指定入住命案的樓層外，亦有巡樓，去到伸手不見五指的停車場，雖然她表示感覺好唔舒服，但完全無縮沙，最後更推門查探空置房間，單係呢份勇氣，已令不少網民佩服，更指現場環境惡劣，一般人都未必願意多行一步。
林婷上一季去日本挑機，樣樣都話驚結果搞到觀眾話要罷睇。
對於繼續起用林婷，《入住》監製吳繼業接受訪問時，就認為點都要比多一次機會。「就算我自己都未必咁去啦，更何況佢係一個女仔，仲要係好斯文嗰隻，不過得到咁嘅反應都訝異，今次希望佢可以建立返信心，始終新人第一次做節目，有咁多負評對佢其實唔係咁好。」監製吳繼業指拍攝前，有為林婷做了一些心理建設，希望為她帶來信心。「比咗好多參考資料佢，亦都同佢講可以驚，但同時希望佢可以敘述返現場感覺比大家知。」監製又指兩位主持人都係搵命博，所以今季演出費亦有加碼，至於會否有第三季呢，佢就話：「雖然好多觀眾都歡迎，但做太多會唔會無新鮮感呢？要考慮。」
雖然林婷驚青，不過ig有不少靚相，大家可以睇下
+13