【港姐2018】20位佳麗去變身 一文睇晒執樣前後對比

撰文:
最後更新日期:

香港小姐2018,最後20位參賽者將會進行公開淘汰階段,今日TVB就為她們Set頭化妝,務求她們以最佳形象示人,究竟換完裝後有乜分別呢?

香港小姐2018已經進入20強的階段,由一開頭157人到現在20人,只花了短短兩星期多的時間,看來都相當急。聽聞,今年港姐決賽將會在8月舉行,今日TVB就為眾佳麗執一執個外表,主要是Set頭。一眾佳麗進入髮型舖後,短的兩小時便出來,長的足足花了四個小時,在入面可能是Set頭,也有可能是備戰講座。

有些佳麗已經自行相約一齊去Set頭。(陳順禎攝)

在眾佳麗Set頭的期間,於Salon set完頭的馮盈盈推住迷你行李箱離開,問到可有見到同場的一班師妹,她說:「有呀,可惜只係得10位,見唔晒,同埋佢哋個個都包住晒個頭,所以未有心水,不過遲啲會好多活動,實有機會同佢哋見面。」

馮盈盈突然走出嚟,仲以為邊位佳麗咁靚!(葉志明攝)

其實一眾佳麗Set完頭都唔算好大分別,唯獨其中一位一睇就知係整得最誇張,就係陳靜堯Claudia,因為佢俾人剪短咗個頭,咁多位佳麗得佢一個係短頭髮。

究竟點解要咁做?(陳順禎攝)

即Click下面睇埋其他佳麗有咩變化喇!

+15
+14
+13

【港姐2018‧任噏亂評】睇完複選已確定三甲 TVB套路咁易捉?

【港姐2018】次圈港姐Instagram大起底 睇生活相就知邊個真係靚

【港姐2018】一文睇晒入圍複試靚女 楊帆Krystal最有仙氣

在接受《香港01》訪問時,工藤佑采Yutori表示:「剪薄咗,用咗髮棒set髮尾,我本身之前電咗髮,髮型師話原本個髮型都好襯我。」提到她的雙親已不在,問到可會覺得今次參選是孤軍作戰,她說:「唔會,有朋友支持。(爸爸媽媽走咗幾耐?)都好多年喇,已經習慣咗一個人生活。(香港同日本有無親戚?)無,都無咩聯絡。」她又謂對自己ok有信心。

Yutori有一種樂觀嘅心態。(葉志明攝)

而大熱之選陳曉華Hera說:「染咗深色啲,cool tone,set咗髮尾,自己都好滿意,鍾意自然啲,我會努力試下夾唔夾得返呢個效果。」Grace則剪薄了頭髮和電曲了少少,走自然風。Hera、Yutori同Grace更因為今次參選成為了朋友,整完頭即約埋一起去醫肚。

Set完頭好似仲靚咗!(葉志明攝)

Set完頭好似仲靚咗!(葉志明攝)

整了足足4小時的Sara表示:「剪咗少少同埋染咗髮,因為我頭頂嘅頭髮比較薄,好吸色,出嚟個效果淺咗啲所以要再染返深啲。問到她與提名人張堅庭是否好熟稔,Sara說:「好熟,因為我姑媽同佢係好朋友, 佢8年前已經叫我第時大個咗就參選香港小姐,話會做我提名人,我對自己都有信心嘅。(會唔會都想拍戲拍劇?)未諗過,我無接受過呢方面嘅training,但係有機會都想試下。(如果當選咗會加入娛樂圈?)會呀,對呢行都有興趣。」

Sara俾人嘅感覺係高貴。(葉志明攝)

整了5小時的Honey就整了金色Highlight和轉了啡色Base,她說:「好滿意,今日個髮型師話幫我整highlight,我好開心,其實自己本身都想整highlight,但因為要參選,知道如果入選咗大會會安排整頭,所以之前無去整,諗住入唔到選嘅話先去整,結果依家可以免費整。」問到可有坐到pat pat痛,她說:「又無,佢哋啲櫈幾舒服。」最後完成的Jenny就整了5個半小時,她說:「整咗highlight,佢哋整得好有心機,我非常之滿意。(有無覺得自己靚咗?)有,因為個髮型好靚。」

Honey係潛水教練,所以有一副好Fit嘅身材。(葉志明攝)

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。