谷祖琳17年前與古天樂拍激吻戲 今日重遇對方:好回味嗰陣!

撰文:
最後更新日期:

古天樂、谷祖琳(Jo)今日(19)出席尖沙咀日本護膚品牌活動,Jo更化身成為烹飪導師,即場為古仔炮製夏日消暑飲品,古仔飲完後大讚對方有天分。

靚媽谷祖琳同古天樂因拍攝電影《野獸之瞳》(2001)而成為好友,講起當年與古仔一場激吻戲,Jo依然難忘。「當年可以講呢套戲係我正正式式拍的第一部電影,自己本身比較新,導演安排我第一日拍嘅時候,就係我首次見古仔嘅時候,跟住就拍激親戲份,我唔知點解第一日就安排呢啲咁嘅戲份,可能導演咁嘅安排可以令日後拍起上嚟輕鬆啲,其實拍第一日嘅時候都幾「哽」㗎,心情好鬼緊張,今日見到古仔,令我憶起喺好早以前拍戲嘅時候,佢畀我嘅感就係一個好tough嘅人,好回味嗰陣時候。」

谷祖琳穿著性感吊帶裙出席活動。(梁碧玲攝)

電影《非同凡響》即將在香港上映,谷祖琳在戲中飾演一名特殊學校音樂老師,一直渴望能轉到主流學校任教,卻因被標籤為特殊學校老師,而遇上阻滯。「我拍呢套戲,我係嗰間學校度教咗三個星期,啲學生唔知我真正身份唔係一個真正老師,佢哋以為我真係老師,班學生好乖好聽話,好期待香港上映,呢套戲係一套勵志片,當中好多感動情節,故事太寫實。」

谷祖琳希望有多點時間,可以拍番多些電影。(梁碧玲攝)

+13
+12
+11


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。