鄧以婷被懷疑係性愛短片女主角 當笑料咁睇：一啲都唔似！
撰文：賴家杰
出版：更新：
鄧以婷今日（19日）出席《第二十屆香港電玩動漫節》記者會。她表示與動漫節好有緣份，以前已經在這個場合做Show Girl以及在台上唱歌，所以好多粉絲都認得出她：「佢哋會同我Say Hi啦又會搵我合照，又會送一啲小禮物畀我，所以我覺得毒男呢個字係框住咗佢哋，好似好變態咁，但其實唔係。」為一眾「毒男」平反。
問曾否遇上一些「激進」粉絲？鄧以婷坦言：「我記得一次定兩次，但係我冇理會，可能我行過用啲色情言語咁講，我覺得如果你想我同你傾計，你有禮貌我都可以，但一講色情我會選擇無視。」
鄧以婷以Cosplay打扮出席《第二十屆香港電玩動漫節》記者會。（陳順禎攝）
至於收過最令人驚訝的禮物？鄧以婷直言是電話，更指有段故：「其實好耐之前自己唔見咗電話，有一次岀席活動時候嗰一位粉絲就遞咗份禮物畀我，我開頭都唔知道乜嚟，返屋企拆開先知係電話，然後我立即上社交網站多謝佢之餘更叫佢以後唔好咁做，因為實在太貴重，我之後想畀返部電話佢已經冇機會。」
鄧以婷指經常會收到粉絲嘅小禮物，收得最貴重係電話。（陳順禎攝）
提到最近網上流傳一段性愛片段，不少人誤會女主角是鄧以婷，她笑指一切都是笑話一則：「其實我今朝都仲收到朋友發畀我，我真係覺得好好笑，有一日我收到都問朋友有冇嗰段片，因為我真係好想知有幾似樣，然後我一睇就好失望，因為一啲都唔似，然後嗰post嘅相話係我，直頭有幾張相都唔係我嚟嘅，我覺得搞笑又無奈。」問會否感不快？鄧以婷坦言沒有不開心：「自己當笑話睇，同埋經過呢一件事發生後我就知道好多朋友睇咸網，竟然睇呢啲片諗起我，好好笑。」
近日網上流傳一段性愛片段，片中女主角更被人誤會係鄧以婷，佢回應呢一件事好好笑，都唔似樣。（陳順禎攝）
+5