梁洛施久休復出再戰演藝圈：係時候返嚟我嘅演藝事業
撰文：吳子生
出版：更新：
梁洛施（Isabella)昨日（19）在中環出席國際著名護膚品牌活動。自從lsabella作為3子之母後，甚少出席公開場合，今天可以話係Isabella的新開始。「之前用咗一段長時間休息，因為之前小朋友都係細，咁佢哋依家都8至9歲，我哋由加拿大返嚟，依家又安頓好係香港，而且又得到屋企人媽咪嘅支持，咁所以落咗呢個重大決定，係時候返嚟我嘅演藝事業。」
梁洛施希望拍些不同類型的電影（陳順禎攝）
2007年憑《伊莎貝拉》榮獲第27屆葡萄牙波圖電影節最佳女主角殊榮，精湛演技獲得肯定。「近來自己都好想試下一啲新嘅嘗試，以前自己都係拍一啲文藝電影，好似仔仔咁講，拍下一啲Super hero嘅電影，或者嘗試拍下一啲綜藝節目，但唔會帶仔仔去綜藝節目亮相，因為始終都係工作。」
Isabella近來開咗個新IG,表示自己其實都在學習中，未知點玩。「其實開呢個IG，好想分享畀大家去認識我生活每一點每一滴，好多人其實對我都好陌生，IG及微博依家都好流行，仲會有時玩直播，連朋友都話我好「潮」。」
梁洛施玩IG原來係新手（陳順禎攝）