【後生仔傾吓偈】余思霆踢爆同房FYY勁開放：你有無理過我感受？

馮盈盈 (Crystal) 言行一向好率真，原來她的作風都好Open，早前與她同屆的華姐冠軍余思霆，就上了她與麥明詩以及陸浩明主持嘅節目《後生仔傾吓偈》擔任嘉賓，更大爆當年與Crystal一起去馬來西亞參選國際中華小姐的秘聞，踢爆與她同房的Crystal大膽開放的一面。TVB Facebook專頁日前就上載一條短片，片中思霆憶述當時Crystal於酒店房中，上演了驚嚇又香艷的一幕。

思霆說：「我哋去到第3日，佢問我『介唔介意我喺你面前除衫？』跟住我就『嗯』，咁佢當時就有着Bra同底褲嘅，跟住佢就入去沖涼。去到第5日嗰時，佢無啦啦喺我面前除晒衫，除埋Bta同底褲添喎，嘩。咁我諗佢係會背住我嘅，即係唔會擰轉身，但唔係呀，佢真係擰轉身，佢乜都無跟住周圍走！」思霆講的時候七情上面，個驚訝樣出晒嚟，而Crystal就忍唔住大笑，全場的人亦都一齊爆笑。此時，思霆望住Crystal笑言：「我想講『你有想過我的感受嗎』？」

其他人就話思霆當時應該除衫同Crystal battle，而故事的確係未完，思霆繼續爆料說：「跟住第六日呢，我就算喇，我哋一齊沖涼。」估唔到思霆終於出招，眾人聽完即齊齊起哄，可以想像到呢一幕幕的畫面有幾咁令人噴血。成為大家焦點的Crystal就解釋說：「咁話來西亞好熱吖嘛。陸浩明即話：「酒店有冷氣喎！」麥明詩就笑指Crystal話：「佢好自然！」睇來Crystal真係好怕熱。

畀多啲思霆同FYY嘅靚相大家睇啦！