【BB來了】點解劇本咁貼地窩心? 全靠監製編劇堅持六個「不」

撰文:
最後更新日期:

《BB來了》播映接近2星期,相信不少為人父母者對劇情都甚有共鳴,就算是一家人亦能欣賞這套合家歡小品式劇集。不得不提,原來《BB來了》首集跨平台收視已是2018年冠軍,第四集跨平台總收視更達30.2點之高。劇集的成功,除了幕前演員之外,當然幕後以及監製編劇等都功不可沒。

《BB來了》收視高開,除咗有Ali、高海寧、黎諾懿之外,當然唔少得嘅仲有黃長興、徐榮、盧宛茵啦。(林迅景攝)

《BB來了》監製廖晉碩與編審黃秉怡接受《香港01》訪問。監製廖晉碩:「其實編審都係一個新手媽媽,所以咁樣一講,大家就明點解有呢個劇出嚟。」編審黃秉怡接著說:「最初我係想開陪月員故事嘅。我嗰時啱啱生完之後啲母愛好洶湧,我見到我工人為咗幫我湊BB而照顧唔到自己小朋友,我覺得好賺人熱淚。後來同公司開完會之後,就畀咗啲方針定位我,後來我就諗到新手爸媽呢樣嘢。」

其中盧宛茵(西太后),以及陳秀珠仲係劇組專程搵返嚟㗎,夠晒誠意。(林迅景攝)

《BB來了》一類劇目,在觀眾眼中,可能睇低為「冷門」,而同時又偏離了TVB劇一貫的爭產、死人冧樓、宮廷鬥爭種類。當然,事實證明了,溫馨有趣的小品劇其實大有市場。監製廖晉碩解釋道:「其實我哋套劇係想盡量做到『唔一般TVB』嘅嘢。」編審黃秉怡補充:「秉承住『不爭產、不復仇、不死人、不冧樓、不絕症、不婚外情』呢啲宗旨。其實一班編劇都好幫手,一直都keep住一方向希望令人窩心感動多過話要好Juicy。就算啲情節係虛構,但係啲情係真嘅。」

監製廖晉碩與編審黃秉怡表示《BB來了》的創作自由度非常大。(林迅景攝)

平常人以為,TVB高層會控制整個劇本走向。不難猜想,秉承「六不」的《BB來了》的編劇的壓力。不過,監製廖晉碩與編審黃秉怡就表示,從未受過任何高層壓力,更謂:創作自由度非常大,同時首次由導演勝任監製的廖晉碩更說今次成功是多得各路「英雄」幫助。「真係好多謝徐正康、珍姐睇住。因為我哋兩個都咁新,兩位都俾咗好多意見同埋幫我哋解決問題,從中又協助咗好多,今日有今嘅成績都要多謝佢哋。」編審黃秉怡:「我都要特別多謝助理經理關頌玲小姐,因為佢提醒我哋要留意媽媽group,因為媽媽group俾咗好多靈感同埋啟發咗我哋。」

+10
+9
+8


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。