劉心悠清涼背心宣傳 《再見.女人街》做搬運女神:搬嘢都要智力

撰文:
最後更新日期:

《再見.女人街》今日進行開鏡拜神儀式,戲內一班演員包括劉心悠、吳卓羲、廖啟智等亦齊集於女人街。在30度高溫下,劉心悠身穿一件白色淸涼小背心出席,吸引了近300名市民圍觀拜神儀式。《再見.女人街》由劉心悠、吳卓羲兩人主演,看似弱質纖纖的劉心悠在戲中居然飾演一名搬運工人。

劉心悠今日著住白色清涼小背心,佢話自己衣著上面「進步」咗。(林迅景攝)

+7
+6
+5

劉心悠接受《香港01》訪問時說:「其實對於搬搬抬抬,大家都有個誤會,以為做gym嘅身形先至可以。其實唔係㗎,因為搬嘢係需要智力,有智慧先知點樣去搬貨。」吳卓羲問道:「有冇諗住去操下?」劉心悠解釋說:「因為我想畀一個感覺,就係弱質纖纖都可以搬到。(套戲可以見到心悠抬住兩包米搬貨?)兩包米濕碎。」吳卓羲補充:「仲要兩桶油兩包鹽。」劉心悠:「哈哈,可能係好細包嘅米。」

劉心悠表示,自己都會為電影操Fit啲。(林迅景攝)

出生於台灣的劉心悠,自言很少踏足旺角,所以上星期就應導演要求到旺角親身感受一下。「導演就俾咗一個任務我,要我用$100去講價買嘢。我就睇中咗個按摩器,但係個老闆就話件嘢太貴,唔可以$100賣俾我,講唔到價,所以最後個任務失敗左。」又謂自己從未去過旺角行人專用區,吳卓羲更為心悠親自解䆁旺角行人專用區的典故。

原來劉心悠好少落旺角,吳卓羲仲好耐心咁解釋乜嘢係旺角行人專用區同埋「4樓有乜乜」係點解。(林迅景攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。