【放開我北鼻】言承旭聽《流星雨》感觸 17年後重演《流星花園》
撰文：蘇國豪
出版：更新：
一向好少上真人騷節目的台灣男星言承旭，近來在節目《放開我北鼻3》擔任嘉賓，幫忙照顧小朋友展現出溫柔一面令人刮目相看。而在最新一集中，他更事隔17年重演《流星花園》主題曲《流星雨》，即時令所有回憶返晒嚟，同時他更顯得好靦覥而且很感觸，不禁令很多粉絲懷念，在所有人心中他是無可取替的「永遠道明寺」。
言承旭一聽自己的歌顯得相當唔好意思。（網上圖片）
就在最新一集節目中，言承旭就帶同小朋友們去運動中心玩，沒想到玩到一半節目組就播放了一段《流星雨》，一開始他就呆了一呆，但好快就進入氣氛當中更同所有人玩角色扮演，雖然他顯得相當尷尬不過都盡力配合。
齊齊唱《流星雨》搞到大家回憶返晒嚟啦。（網上圖片）
20年後道明寺同杉菜有了小朋友。（網上圖片）
網民：無可取代無可複製
聽到前奏的他則大叫：「仔仔…」皆因第一句歌詞是由仔仔（周渝民）所唱，當到第二段他演唱時就隨即唱起來，之後叫身邊的陳學冬扮吳健豪，更直接叫黃景瑜扮杉菜添，一手將對方擁入懷假裝睇流星雨，雖然畫面唔係咁美好不過卻十分好笑。而最好笑的是陳學冬靈機一動，要他們抱著一個小孩齊齊睇流星雨，這個畫面被稱為是「20年後的道明寺同杉菜」逗樂了不少人，而好多網友睇完都好感動認為言承旭的道明寺絕對是經典「無可取代無可複製」﹑「最帥最好的道明寺」﹑「最經典的道明寺沒有之一」……睇嚟經過今次的綜藝節目後，言承旭的確令人睇到他多面化，又再一次圈了唔少粉絲啊！
言承旭表現了好多唔同一面，令人再次愛上他了。（網上圖片）
他照顧小朋友無微不至。（網上圖片）