【PLAN B】余慕蓮講明唔捱更抵夜 首次獻出「初吻」好尷尬

撰文:
最後更新日期:

余慕蓮話大台都叫過佢返去拍劇,但因為怕辛苦所以推咗,同ViuTV拍劇都講明唔捱夜。

ViuTV劇集《PLAN B》除有王宗堯、陳啟泰同陸駿光之外,原來仲有余慕蓮。年屆81的余毛姐自從離開大台後,除不時登台外,亦有指ViuTV拍劇,日前她為《PLAN B》與陸駿光、陳炳銓時,發現原來其中幾幕都需要人工呼吸,余毛姐雖然從影多年,但原來就從未試過「咀戲」所以佢都話有少少尷尬:「我都未拍過呢啲戲,都唔知點答你!個劇組係陸駿光熟啲,之前佢拍劇做過我兒子。」余毛姐又表示自己年紀大,不能接受長時間開工:「我依家幾十歲人,我話即使無綫叫我返都唔簽,我怕捱更抵夜,呢度我都講明最夜係十二點,所有危險動作都安排替身囉!」

余慕蓮於《PLAN B》中因為要人工呼吸所以有少少尷尬。

至於同場的陳炳銓,呢日亦帶來愛犬「豆豉」客串,他更笑指佢都係時候賺番狗糧:「導演話要搵隻狗做流浪犬,一睇就知佢唔係名種狗啦,似返隻流浪犬,所以今次就帶佢出黎客串玩下!」問到愛犬比較黏他還是女友李佳芯,陳炳銓就好自信咁表示因為同豆豉相處時間較多,所以比較黏他。

陳炳銓帶埋愛犬「豆豉」一齊賺錢。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。