單文柔罕有社交網站「放閃」 網友笑陳展鵬衣著「老土」

撰文:賴家杰
出版:更新:

單文柔與陳展鵬拍拖已經係眾所週知嘅事情,但二人拍拖至今甚少「放閃」,今日(23日)晚上單文柔就喺自己IG發放一張與陳展鵬合照,網民紛紛留言指好閃呀,當然亦都有網民關心二人會幾時結婚。至於二人會幾時結婚呢?仲係一個未知之數,而今年41歲嘅陳展鵬早前亦透露希望可以有屬於自己嘅小朋友,但佢表示暫時仲未有計劃過幾時結婚。但睇嚟今次展鵬批准女朋友社交網站放閃,莫非…佢哋好快會公佈…喜訊?不過可能係小編想多了。

唔知道陳展鵬會幾時結婚呢?

陳展鵬除咗影視作品深愛大家留意之外,大家亦好關注佢嘅時裝品味,好似無論佢著乜類型嘅衫都好,大家都會有批評,今次亦唔例外,今晚呢一張相發佈後網民更指佢今日呢套衫邊個幫佢揀,「展鵬套衫好老套…邊個襯架」及「男朋友...條褲出晒事...」,如果陳展鵬要拆解呢一個時裝災難,佢應該要請番一個形象指導,咁就唔洗再怕大家對佢評頭品足。

面對網民嘅批評,展鵬會唔會有咩改善呢?(網上截圖)