張建聲冒雨去珠海考賽車牌 兩年無揸車向李萬祺拜師速成

撰文:
最後更新日期:

唔少男士鍾意刺激追求速度感,不過喺街上飛車係犯法㗎嘛,唔少人都會近近地到珠海賽車,鍾意揸幾快都得啦﹗興趣多多的張建聲(Justin)最近都抽空去珠海學揸賽車,雖然學車時突然落大雨,影響駕駛的能見度,但亦無阻考取賽車牌嘅決心,最終仲一次合格考到車牌,令Justin大叫感恩!

張建聲兩年無揸車,一嚟就去考賽車牌,考試前緊係要專心聽書啦。

Justin擁有車牌多年,但平日極少揸車,所以今次去考賽車牌都有好大壓力:「我已經有兩年冇揸車,去到賽車場上堂先知好大壓力,因為車內設備、服裝、揸車時入彎路線同埋要記住地圖,最重要係要聽教練講,好彩今次兩個師傅係李萬祺同Sam哥,佢哋都好有經驗咁帶領我。」

呢次考牌張建聲特別鳴謝李萬祺同Sam哥擔任教練。

要考賽車賽都唔係輕鬆事,過程要經賽車會考核同批准,再去賽車場考三個環節,雖然如此亦無阻Justin考賽車牌嘅決心:「考賽車牌好大原因係希望將來喺電影拍攝度用得着,仲有係因為從小嘅願望係想突破自己,雖然去到第三節時突然落大雨,但都冇影響到我考車牌嘅決心,因為考牌師傅講就算幾大雨都好,一日未揮黑旗,車手都要不停鬥落去,感覺好似人生不斷戰鬥。」

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。