【過街英雄】黃翠如原來曾同森美拍電影 大家記唔記得係邊套?

撰文:
最後更新日期:

TVB新劇《過街英雄》今日(25日)下午公佈造型,森美同黃翠如今次飾演男女主角。唔知大家知唔知道其實翠如已經有相近一年冇喺TVB拍劇,咁佢呢段時間做咗啲乜?翠如指唔係專登一年唔拍劇:「咁之前都休息咗一段時間,差不多一年,其實今次開工都有少少壓力,去咗學習唔同嘅事。」至於翠如呢一年學習咗乜?佢初初並唔想透露,但在旁嘅森美強迫翠如回答,翠如唯有無奈地回答:「我有跟老師去學做戲啦、去學咗做一啲運動、打鼓等等,仲有去咗一啲奇怪嘅旅行,就係平時你想唔到會去嘅地方。」聽到呢到森美搞笑講去咗地獄?翠如指並唔想太快去。

TVB新劇《過街英雄》今日(25日)下午公佈造型。(陳順禎攝)

森美加翠如呢個組合,佢哋形容為大膽,因為其實二人拍劇數量並不多,翠如指自己喺TVB拍過嘅劇集十隻手指數得哂,而森美喺TVB拍過嘅劇集更加少。但其實佢哋己經唔係第一次合作,翠如憶起當年拍攝第一部電影時候嘅事:「我第一套戲有演出嘅係《我要做model》,當時我只係一個老臨,都叫做有對白,類似係講阿邊個到啦,但當我講完鏡頭已經轉走了。」森美聽完坦白回應其實已經唔記得當時佢喺到。

原來唔講唔覺翠如已經一年冇拍劇。(陳順禎攝)

講番呢套劇森美係要SHOW肌肉,不過森美直言佢自己已經身材好好,唔洗特別去操Fit,咁同對手翠如會唔會都有啲感情戲有身體觸碰?翠如笑言自己乜都唔知:「我哋劇中確實有感情戲,但仲未知道會係點寫。」森美笑言畀定張相翠如番屋企對住做戲。

二人第一次合作原來係電影《我要做Model》(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。