【港姐2018】18號高育英否認自資百萬出碟 自爆從未拍過拖
撰文：黃欣華
出版：更新：
2018香港小姐20強已經誕生咗一段時間，今日（26日）一眾後選佳麗就為特備節目《美麗120秒》拍攝外景。台灣妹（18）高育英（Kelly）就透露自己爸爸係香港人，媽媽係台灣人，而自己就係澳洲長大，但一到假期都會返香港。
Kelly話要學好啲廣東話。（梁碧玲攝）
早前被爆喺台灣出過道做歌手，Kelly都直認不諱，但佢就澄清並無自資數百萬台幣為自己出碟，佢話：「其實我好鍾意唱歌，好鍾意表演，所以有去學唱歌。學唱歌的時候，有個製作人想我幫我出唱片，我都認同，所以就去試下。（父母都有份投資？）無呀，係經理人出。（父母一蚊都無俾過？）無。（都好支持你？）小時候已經好支持，我都好多謝佢哋。」Kelly又指自己從未放棄歌手夢，希望有更多機會表現自己。
Kelly 話自己唔係出身富裕家庭，父母會陪自己參賽。（梁碧玲攝）
至於被指出身富裕，佢就話：「係賣海鮮，普通囉，一般家庭，我們都好努力。」問到有佳麗為咗參選同男朋友分手，Kelly笑言自己無呢個問題：「我無男朋友。（咁三個地方鍾意邊度男仔多啲？）我都無男朋友過，其實我無諗過，但我覺得都OK啦。」
問佢鍾意邊個地方男仔，佢竟然自爆無拍過拖。（梁碧玲攝）