【港姐2018】傳取消外景拍攝 杜愛恩唔失望建議轉戰香港景點
撰文：黃欣華
出版：更新：
6號杜愛恩（Olivia ）因為才華洋溢而被其他佳麗視為勁敵。Olivia今日（26日）同其他19位後選佳麗一齊為特備節目《美麗120秒》拍攝外景，職業係作曲家的Olivia就透露自己出身音樂世家，3歲時，Olivia的爸爸經常與其他音樂家中演奏，耳濡目染下她就開始學習樂器，自己現時亦有三個「演奏級」。她透露自己最欣賞華人樂壇之父—顧嘉煇。
Olivia談吐大方，轉數又夠快，難怪被視為勁敵。（梁碧玲攝）
對於被視為「勁敵」，Olivia就直言不敢當：「我比較文靜，很開心認識佢哋，因為大家都係一班志同道合嘅朋友，大家相處嘅時間亦很多。」問到有傳今年將會首次取消外景拍攝，Olivia坦言唔會覺得可惜：「我都相信公司安排，但假如可以安排我哋香港小姐介紹返本地景點就會更加有特色，我就會更加開心。（最想介紹邊度？）維多利亞港。」
Olivia透露最近作咗首以香港為題材嘅交響樂作品，但未知會唔會喺決賽當晚演出。（梁碧玲攝）
Olivia亦透露自己私下從來無嘗試過著比堅尼：「私生活從來無著過。（咁遲啲要著俾好多人睇。）咁都習慣咗，因為好多次試身都有著比堅尼。」
Olivia私下保守，從未試過著比堅尼。（梁碧玲攝）