【東張西望‧多圖】林泳淘小背心騷身材成焦點：非特別鍾意貼身衫
撰文：張嘉敏
出版：更新：
泳淘嘅身材真係好好。
如果大家有睇開無綫節目《東張西望》，相信一定有留意到主持林泳淘的身材相當出眾，尤其是當她穿上貼身衫出外採訪時，她那玲瓏浮凸的32D身材更成為觀眾同網民的焦點。日前有一集講關於黑心疫苗的新聞，穿上黑色貼身背心的泳淘輕易搶Fo，有指當泳淘出場時更令節目收視率突然急升。有網民於討論區表示睇呢個節目都係為了睇泳淘。
泳淘呢身打扮被指帶動收視急升。
參選2012年港姐入行的泳淘，除了主持《東張西望》，仲有主持《三日兩夜》以及《超強選擇1分鐘》等節目，有時需要以性感的比堅尼出鏡，真係睇到人窒息㗎。《香港01》記者電話訪問了泳淘，問她知否自己刺激了《東張西望》的收視率上升，她說：「我覺得一定唔會囉，啲人講下啫，應該唔關事嘅。(監製有無要求你要着貼身衫上陣？) 無，監製好似媽媽咁樣，唔會咁要求。」
明明唔暴露都令人覺得好sexy。
佢着tee都一樣咁突出。
對於網民激讚她身材好，泳淘說：「多謝大家咁都發現到，其實純粹係出外景太熱，先會着啲涼爽啲嘅衫，自己無話特別鍾意貼身衫，可能個節目有3日入面其中1日我咁樣着，但大家淨係留意嗰1日。我無諗過會有咁大迴響。(點keep到咁好身材？) 多謝我媽生得好，平日無做節食同做運動去keep，我食好多嘢，係當我要露之前先會臨急抱佛戒嚟keep，會宵夜同食得清淡啲。我試過喺澳洲拍《3日2夜》時，因為食得太多嘢而畀同事㩒住我叫我唔好再食喇，話會有肚腩㗎！」她又自言自己一啲都唔瘦：「我遮住咋，我肥pat pat同肥腳㗎，要露呢啲位我都會好尷尬。」
明明就係好fit囉。
一齊睇多啲泳淘嘅靚相啦！
+16