孖鍾欣潼拍代言廣告 關智斌狂操晒胸肌拍完即食雪糕
撰文：冼燕珊
出版：更新：
即將於十二月同未婚夫賴弘國喺香港擺酒嘅鍾欣潼（阿嬌）忙緊籌備婚禮嘅同時，結婚前，阿嬌密密拍廣告，近日就為代言咗十年嘅醫美品牌拍攝全新一輯廣告。作為藝人兼準新娘子，keep住個靚樣幾時都係最重要，阿嬌話：「好多時因為日夜癲倒嘅工作時間，皮膚根本冇時間休息，出去做嘢又受到日光傷害，毛孔同色斑問題即刻出現。」
即將在12月舉行婚禮的阿嬌，婚前密密拍廣告。
同公司的關智斌（Kenny）都係該品牌代言人，為咗今次廣告拍攝，大晒肌肉。Kenny三個月前已經開始食營養餐單、做大量運動同埋進行美型儀器療程。喺拍攝廣告嘅十個鐘入面，為咗呈現爆肌效果，一唔駛埋位嘅時候，Kenny就拎起自己帶去影樓嘅健身器材做運動，又掌上壓、又Ab Wheel Exercise，實行谷爆胸肌同腹肌。
為咗保持最佳狀態，一唔駛埋位嘅時候，Kenny就拎起自己帶去影樓嘅健身器材做運動，又掌上壓、又Ab Wheel Exercise，非常認真。
完成拍攝後，Kenny第一時間走去食雪糕,慰勞自己，「我等咗成日就係為咗呢個雪糕呀！我成個月冇食過甜嘢！」之後一邊食一邊好冧咁話：「嘩！太好味呀、好味呀！好味到好似想生仔咁呀。」
拍完廣告，Kenny 即刻食雪糕獎勵自己。
唔該拎個氧氣罩嚟！
條事線好深...