【動漫節2018】港姐何依婷原來係宅女：寧願打機都唔想出街
撰文：林迅景
出版：更新：
動漫電玩2018又嚟啦！現場除了有過百攤位外，更有不少cosplayers到場聚會以及Game Girls宣傳自己代表的電玩品牌。今年何依婷以及一班TVB女藝員更化身為TVB動漫大使Godlike Girls參與開幕儀式。唔講唔知，原來港姐何依婷本身也是一名宅女。
何依婷今日都有盛裝出席㗎，係咪好可愛呢？（黃國立攝）
何依婷接受《香港01》訪問時説：「我係第一年嚟，因為之前讀書嗰時，寧願暑假喺屋企打機都唔想出街，所以就未去過動漫節。」談到打機，何依婷笑說，自己最愛《小朋友齊打交》：「因為一打機就好想快啲打爆機，儲晒啲裝備。（玩邊隻多啲？）我細個（小學）第一隻玩嘅遊戲係《小朋友齊打交2》，我仲記得要Chok啲隱藏人物出嚟，跟住就開始玩Online Game，跟住就係CS（Counter Strike），跟住玩《Left 4 Dead》，跟住再轉玩手遊啦。」
何依婷又透露自己為了「打機」而廢寢忘餐。「中三嗰年因為要升高中所以就停玩咗3年，不過我細個嗰時會由放學玩到瞓覺。雖然我屋企人管得好嚴佢哋會規定我10點半就瞓覺，但我係一放學返屋企就即刻開電腦玩，哈哈，一日都差唔多玩5、6個鐘，好彩冇近視。」
原來港姐何依婷細個都好鍾意玩《小朋友齊打交》，仲係一名宅女添。（黃國立攝）
+7