堅守「胖就是犯罪」 舒淇:我煮的時候已經吃飽了

撰文:黃欣華
出版:更新:

減肥係女人嘅終身事業,女藝人就更加唔洗講!舒淇最近就同趙薇、蘇有朋同王俊凱參與大陸真人秀《中餐廳2》,遠赴法國親自落場打理餐廳。日前播出嘅第二集,就有好多網民發現,舒淇喺節目中幾乎唔食嘢,仲對住趙薇、蘇有朋講:「我很佩服你們,通常我自己煮的東西,我都不吃的,煮的時候已經吃飽了。」

舒淇喺節目中幾乎唔食嘢,只係望住人食嘢!〈網上截圖〉

舒淇鄭秀文聚會 梁洛施爆囝囝手指拗出唔拗入

淨係負責煮就當食咗?係呀,舒淇一直嚴格控制自己嘅身材。節目中,佢哋忙咗一日,終於收工可以坐低食飯。趙薇、蘇有朋同王俊凱都明顯餓得好犀利,食唔停口,唯獨舒淇只係飲紅酒充飢。對美食意志力堅定嘅佢仲忍唔住出聲提醒蘇有朋:「今天朋哥吃了很多碳水化合物,你的蛋白質攝取量不太夠!」

網友都話好佩服舒淇咁忍得!〈網上截圖〉

舒淇都曾經喺訪問中講過:「胖,就是犯罪。」,睇嚟女藝人真係唔易做。雖然係咁,但舒淇都會喺IG分享美食照,間中放肆下,先會有力氣再減架嘛!

+3