【動漫節2018】Lilian Kan出現引過百龍友:好多人好期待我出現

撰文:
最後更新日期:

動漫電玩節2018(ACGHK 2018)聚集過百遊戲電玩廠商攤位宣傳自己的產品,同時亦吸引全港的動漫電玩迷入場。但如果,你認為動漫電玩節只會吸引動漫迷?就真是「少年你太年輕了」。每年ACGHK廠商為增添人氣及歡樂,都會邀請Show Girls或KOL到場,自然地,同時亦吸引了「龍友」入場影相。

粉絲「龍友」多寡,應該係同受歡迎程度成正比。(林迅景攝)

昨日(28)時裝設計師Lilian Kan(簡幗儀)穿上她自己設計的Show Girls服裝到場時,又引起了一陣哄動。現場粗略估計有過百粉絲拿著機等待著「女神」出現,小小一個攤位,迅即塞得水滯不通,拍照者每個都緊緊貼在一起,感著彼此的體溫氣味⋯可見Lilian Kan有多麼受粉絲們歡迎。

今年Lilian Kan已經幫咗PlayStation、Bandi同Hot Toys設計Show Girls衫。(受訪者提供)

今年Lilian Kan已經幫咗PlayStation、Bandi同Hot Toys設計Show Girls衫。(受訪者提供)

今年Lilian Kan已經幫咗PlayStation、Bandi同Hot Toys設計Show Girls衫。(受訪者提供)

Lilian Kan接受《香港01》訪問時表示今年已是第四年幫廠商設計制服。「我冇試過咁樣着住自己設計嘅Show Girls制服,感覺好開心,因為所有我設計嘅衫我都好鍾意。我依家著緊嘅裙係參考咗數碼暴龍上面都有呢啲線,所以我就攞咗嚟設計條裙。」

Lilian Kan著起自己設計嘅衫,係靚嘅。(林迅景攝)

面對現場過百「龍友」的拍照以及粉絲,Lilian Kan卻絲毫不介意,她說:「我覺得好好吖,即係話好多人好期待我着呢條裙出現,所以佢哋先會嚟,所以我覺得好開心。(之後自己再周圍行下?)有吖,有隻game我好鍾意玩㗎,叫《奇迹暖暖》,玩咗好多年㗎啦,我諗住等陣去睇下有咩買,仲有美少女戰士扭蛋同埋迪士尼公主。」

現場真係仲多人過書展簽書會。(林迅景攝)

至於Lilian Kan有沒有試過被瘋狂粉絲「抽水」?她回答說:「其實我次次出活動都有人保護,所以好安全。」站在一旁助手小姐說:「手指都斬咗佢吖!」Lilian:「哈哈哈,同埋佢哋好錫我嘅,都唔會借啲意。」

+14
+13
+12


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。