【動漫節2018】屋企有個「傳說之夜」  沙律:我哋打機都幾粗魯

撰文:
最後更新日期:

動漫電玩節2018,當中不少得的就一定是電玩,由電視遊戲機至電腦遊戲又或是手機遊戲都有不少忠實粉絲入場。再者就連在書展中出散文寫真的簡幗儀(Lilian Kan)也說過自己很喜歡某款少女手遊,可想而知玩遊戲並不男性專利。昨日下午張沛樂(沙律)連同5位成員(羅伊婷、文宥心、衛子盈、林慧研、陳逸寧)組成的ESPrecious出席了動漫電玩節中的手遊《傳說對決》的小型比賽。

6位成員組成ESPrecious,入面仲有ViuTV美選冠軍羅伊婷(Daisy Law),陣容夠晒豪華!(林迅景攝)

沙律接受《香港01》訪問時談到組成戰隊的原因:「其實我都打咗《傳說對決》有2年㗎啦,身邊都有好多朋友一齊玩,慢慢我哋隔一排就會有個『傳說之夜』聚集喺我屋企打機。初頭就冇玩得咁專業,大家玩下就算。後尾其中一個成員文荻(文宥心),佢就認識咗ESP個老闆,所以後尾我哋就成立咗『ESPrecious』女子戰隊。」

沙律張沛樂透露,平時一班靚女仲會喺佢屋企開「傳說之夜」Party。(林迅景攝)

沙律表示,雖電競女子隊ESPrecious成立只有三個月,但每位成員對此也是十分認真投入。「雖然有女子隊,但係大家都係兼職,我哋拍戲工作之外嘅時候先會約時間團練,不過我哋團練嘅時候係好認真㗎。」談到平常團練的情況,沙律說:「都幾嘈吓㗎,你話係咪斯文打機?其實都係睇狀況。情緒高漲嘅時候⋯我哋都會幾粗魯㗎,哈哈。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。