最考驗顏值的男士髮型 碧咸、余文樂個個都剪

撰文:冼燕珊
出版:更新:

其實男士貪靚起上嚟,真係一啲都唔輸畀女仔,前幾個月先話興返「郭富城頭」,今個夏季,大家又紛紛剪起「寸頭」!寸頭是兩邊剷青,頭頂留大約一寸頭髮,可gel可不gel,有種反璞歸真的味道。不過呢個髮型真係唔係個個都剪得,甚至可以話係其中一個「最考驗顏值的髮型」,如果剪咗呢個頭依然靚仔,就係真‧靚仔,睇下以下「寸頭代表」!

咸爺絕對係「寸頭」嘅代表。(視覺中國)

大衛碧咸(David Beckham)

講到髮型,點可以唔提「咸爺」,佢幾乎咩髮型都試過:金毛、中間分界、七分油頭、All Back頭,連劉德華都有一期試過跟風,今次咸爺唔玩咁多花臣,剪返個夏日寸頭,份外清爽利落,望落仲減齡添!五官深邃精緻嘅咸爺Carry呢個頭Carry得好好!

+3
C朗剪都Carry得好好。(IG圖片)

基斯坦奴朗拿度(Cristiano Ronaldo)

C朗同咸爺都係好注重形象的足球員,C朗平時上場都會gel返個型仔頭,即使用完倒掛金勾,都可以hold 住個髮型,不過剪呢個頭就無呢個煩惱,C朗剪完呢個頭都仲好靚仔!

+2
樂仔最近都剪咗寸頭。(視覺中國)

余文樂

其實余文樂(樂仔)同C朗嘅面型都幾似,面型偏方。樂仔嘅髮型一向偏短,但近期愈剪愈短,由All Back 頭到依家嘅寸頭,一來唔知係咪因為同時兼顧湊囡同健身,太忙的關係,剪呢個真係好方便。

+1
同樂仔一樣榮升做老竇的陳冠希,最近都剪咗個寸頭。(IG圖片)

陳冠希

同樂仔一樣,剛為人父嘅陳冠希(Edison) 都剪咗個寸頭,真係好方便湊囡,不過Edison偏瘦,剪呢個頭顯得個人有點唔夠精神,可能All Back 頭會更加適合佢。

吳亦凡都曾經短暫剪過寸頭。(微博圖片)

吳亦凡

其實吳亦凡(Kris)早於2016年已經剪過呢個頭,其實都OK嘅,因為佢五官都標緻,不過同Edison一樣,佢都係太瘦,所以略嫌爭啲,但佢都係剪過一次,好快就留返長。

Hit爆Lobob頭唔興內卷 2018當季最新髮型阿Sa胡定欣都跟

胡定欣100枝髮夾變短髮 激讚御用髮型師 :佢喺我心目中係神!

江華曬M字額頭現脫髮危機 粉絲一面倒讚仍然好睇