【中國新說唱】吳亦凡新口頭禪人人跟住講 究竟「Skr」係點解？
撰文：關穎賢
出版：更新：
內地網絡綜藝節目《中國新說唱》（原名：中國有嘻哈）第二季已經播到第三集，唔知道大家仲記唔記得去年播出的第一季，專業評審吳亦凡每逢見到參賽者就問「你有Freestyle嗎？」？同時因為呢句對白出現次數太多，而變成潮語及惡搞對象。
新一季都唔例外，吳亦凡新嘅口頭禪亦同步出現，就係佢喺節目內不停講嘅「Skr Skr」，亦隨即再次成為大部分年輕人嘅口頭禪。坐擁大批fans嘅吳亦凡係咪講咩都型過人？當人人都講「Skr」嘅時候，其實你又知唔知道「Skr」究竟點解？
Eminem每秒rap4.28字列健力士紀錄 現場再唱《Rap God》真心勁
吳亦凡在節目內經常用到「Skr」這個用詞，但次數多到連記者都難以計算。（電視截圖）
其實網絡上都有三個解釋。
第一個解釋就是，「Skr」是一個象聲詞（Onomatopoeia），主要用來形容一個類似輪胎刮擦路面或「跣胎」的聲音，來意味車輛快速行駛，通常在創作關於跑車的饒舌歌曲中出現。
第二個解釋就是，用來代替掩臉的意思。例如，當有人談及一些荒謬的人和事時，你覺得是一個壞主意，你就可以用「Skr」。
繼「你有Freestyle嗎？」之後，新一季就爆出「Skr」這個用詞，究竟吳亦凡本人知唔知「Skr」的意思呢？（電視截圖）
然而第三個意思，就是沒有意思......
日前有微博網民不明白「Skr」的意思，便主動Instagram direct message一位外國饒舌歌手，問到「Skr」的真正意思。對方竟然表示不知如何解釋，因為「Skr」根本就沒有特別意思，只是饒舌歌手喜歡用「Skr」這個用詞來推進歌曲。當網民透露中國有一位歌手（吳亦凡）當作形容詞來使用，正如節目內他曾經說過「這個人很Skr」，而該外國饒舌歌手就直言：「Haha he be trippin for real. （他真的犯傻）」
咁究竟「Skr」的「真正」意思係咩，我諗應該只有吳亦凡先知喇。
（微博圖片）
+4