【BB來了】李佳芯唔排除閃婚生B：好想要一個屋企
撰文：黃欣華
出版：更新：
TVB熱播劇集《BB來了》一眾演員包括李佳芯、黎諾懿、徐榮、楊卓娜、黃長興、姚嘉妮等今日（31）為劇集播映「滿月」，一齊切BB造型嘅水果蛋糕慶祝。活動中，大會安排超過40名BB撐場，見到BB咁可愛，Ali都忍唔住話拍攝時嘅母愛都湧晒出來。
要Ali湊BB無難度！〈陳順禎攝〉
【BB來了】李佳芯當面鬧爆奶奶盧宛茵心理變態 連港媽都唔撐？
【BB來了】李佳芯黎諾懿性感床戲有話題 粉紅厘士吊帶非常誘惑
Ali寧投資BB
Ali又直言自己一向鍾意BB，完全唔覺得BB煩：「完全唔覺得煩，如果講煩，養動物咪仲煩。因為BB始終都係人類，你可以佢溝通，就算BB得幾個月，佢其實都聽到，知你做緊乜，其實好叻。所以我覺得投資BB反而仲值得。」雖然對BB愛不釋手但談到生育計劃，Ali就坦言未必會生：「拍呢部劇都知，好多時你想有但最後可能無，生BB都係講緣份，呢個係我拍完呢部劇一個幾深嘅感受。」
Ali話好意外允豬們仲記得佢！〈陳順禎攝〉
「貼地女神」唔排除閃婚 Ali：感覺嚟就結
談到早前Ali曾揚言唔排除閃婚，佢即笑言：「點解講到我下個月就閃婚咁，其實緣份同感情好難講，感情話唔埋下個月分開又唔出奇，結婚又唔出奇，真係無人知。我會相信感覺，感覺嚟到，好想結婚嘅我咪結婚囉。好想要一個屋企或者好想要一個小朋友，可能我咪考慮生BB囉，但暫時真係未有呢個打算，感覺下年都係拍劇同拍劇。」