【BB來了】40歲Keep得似後生女 姚嘉妮唔會出寫真：我無身材
撰文：黃欣華
出版：更新：
劇集《BB來了》飾演陪月員朗朗的姚嘉妮，因為角色鮮明加上保養得宜而令風頭蓋過飾演其妹的高海寧。姚嘉妮感謝觀眾能夠接受到自己演「過氣MK妹」，稱自己的確有落足心機去演呢個角色。
嘉嘉獲觀眾大讚Keep得好〈陳順禎攝〉
【BB來了】39歲姚嘉妮大騷長腿 Keep住手腳纖幼靠呢幾種運動
姚嘉妮今次與吳家樂飾演嘅角色有愛情線，被網友大讚浪漫。姚嘉妮就透露：「我同家樂今次都好得意，嚟緊結局篇會有驚喜俾大家，大家可以拭目以待。」
吳家樂因喪事缺席〈陳順禎攝〉
即將迎接40歲生日，姚嘉妮就透露會繼續做廿四孝媽咪：「依家啲生日都俾晒小朋友，只要切個蛋糕同佢哋一齊過就已經好開心。啱啱又同小朋友去完加拿大，所以都會留返喺香港過。」她亦笑言拍完《BB來了》幾乎所有觀眾都知道她的歲數：「踏入另一個字頭，我OK嘅，我接受呢個年齡。我唔覺得自己老，依然好有活力，而且要成日陪小朋友，更加要Keep得好。」問到最近被讚Keep得好，會否考慮出寫真留倩影，她笑言：「唔會，我無身材。我只係好鍾意做運動同跳舞，咁樣我都開心啲。」
下個月就係嘉嘉40歲生日〈陳順禎攝〉
對於吳家樂外父周亦卿病逝，姚嘉妮就坦言未有收到消息，但希望家樂保重，節哀順變。
嘉嘉生日繼續湊一對仔女〈陳順禎攝〉