【黃子華棟篤笑】真係最後一騷？ 拭淚子華留後路：今年唔會再做
撰文：陳栢宇
出版：更新：
黃子華封咪前最後一個棟篤笑《金盆𠺘口》今晚舉行最後一場演出，身為香港棟篤笑始祖的他未有因為最後一日開騷而顯露疲態和「揸流灘」，更繼續以極高轉數利用身邊事為大家帶來快樂。他在台上提到自己今晚首次着這件西裝外套，豈料外套無端端甩鈕：「今次真係要嗌回水！」他又對最近淫審處評日本作家村上春樹小說《刺殺騎士團長》一事發表意見：「而家帶書入圖書館唔好帶村上春樹喇！」另外，他亦論盡香港娛圈和國際局勢：「而家有個好花弗嘅人做咗美國總統，呢件事話畀香港社會聽，如果花弗係唔可以做娛樂圈，而做娛樂圈唔可以有婚前性行為，咁就索性取消成個娛樂圈啦，就淨係得返蔣志光！我同佢好熟，如果佢話佢冇婚前性行為，我係會信，如果係修哥（胡楓）講我都唔信！」
黃子華今晚（31日）順利完成封咪前一共26場的原則上最後一個棟篤笑《金盆𠺘口》。（梁碧玲攝）
+2
提到騷後封咪，子華講笑話原因其實是自己不夠靚仔：「好多人對我咪封有好多揣測，其實因為我成日唔記得嘢，好容易俾觀眾打斷，我好難頂得順演出時有咁多嘢插入嚟。」就好似第二場時候，子華問觀眾「有咩生果好食得過禁果」，有女觀眾即大叫「榴槤好食過禁果」，令之後每一次演出講到這個部分時都有不少觀眾勁講「榴槤」，搞到子華只好在榴槤這個話題上繼續發揮。雖然子華之前講到明今次的而且確是最後一騷，但他依然讓自己留下後路：「今年唔會再做（棟篤笑）！」聽到全場觀眾起哄後子華再補一飛：「搵食啫！報警呀？！」令人好難估到底子華到底是否真的「金盆𠺘口」，而臨尾子華謝幕時亦明顯眼濕濕，不但用紙巾拭淚，又向觀眾送出自己在台上用過的水杯。
雖然黃子華之前講到明《金盆𠺘口》是最後一騷，但他仍然為自己留後定路：「我今年唔會再做！」、「搵食啫！報警呀？！」（梁碧玲攝）
子華相當感觸，忍不住在台上拭淚。（梁碧玲攝）
完場後，大批市民到紅館後台出入口等待黃子華現身。（陳順禎攝）
今日到場支持子華的嘉賓好友都非常多，包括：
+4