【兄弟大茶飯】曹永廉、黃浩然兄弟反目 楊千嬅:「乜膠話?」

撰文:秦志鴻
出版:更新:

繼第一集蕭正楠和曹永廉這對孖寶兄弟不留情面的互窒成功搶fo之後,第二集還加入另一位老友黃浩然,令互窒火花再度升溫!而今次串燒三兄弟的唇槍舌劍之中,黃浩然稱得上完勝全場,因為他竟然不留情面將「真相」搬上螢光幕,令到現場一地花生,阿廉都反擊無力!

黃浩然對住兄弟曹永廉,說話毫不留情!(電視畫面)

事源今次蕭正楠和阿廉決定去劇集《多功能老婆》的拍攝現場探班,順便慰勞一下自己的好兄弟黃浩然和拜訪影后楊千嬅!豈料浩然反轉豬肚就係......一見到阿廉就開火,嘲阿廉自認到現場才把牛扒翻熱太誠實:「所以佢去到今日都撈唔起!」阿廉都即時無言以對!
但浩然又怎會放過好兄弟呢?之後他還將事實道出令阿廉顏面無存,浩然向在旁的千嬅說:「佢做飲食㗎,做到執晒笠!」但老廉都算反應夠快,即時自嘲拆招:「幾千萬之嘛,輸咗咪再搵過囉!錢唔係問題呀,我哋做嘢為興趣㗎咋!」

曹永廉真的當過飲食生意老闆,可惜最後全數結業。(電視畫面)

阿廉被兄弟踩到盡,都嘗試挽回面子!在他為男人下廚份外有魅力而沾沾自喜的時候,浩然就繼續追擊:「咁大年紀仲喺電視台度做小生,好難嘅,應該係要退休架喇。」令到老廉都按耐不住,即還擊說不幹!蕭正楠見勢色不餒,才打完場謂:「你唔好再窒佢喇,你窒佢又嬲架喇!」雖然之後黃浩然都有所收儉,但最後都以「你兩個契弟」來稱呼蕭正楠和阿廉,是力證自己是「契哥」的地位,還是親手破壞兄弟情誼呢?

黃浩然的說話去到咁盡,旁邊的楊千嬅和陳寶華都不知能給什麼反應(電視畫面)

不要以為只有黃浩然夠膽,在場的女流之輩亦不可少覷!當中包括楊千嬅先有聞鱈魚膠後爆出粗口諧音回應:「乜膠話?」繼而直斥蕭廉二人所煎的牛扒太韌咬不開:「硬過鞋底呀,你唔咬吓你對鞋!」實在令蕭廉二人哭笑不得。而陳煒都不輸蝕,直指老蕭和老廉是「粉腸」!

看千嬅樣子,那踩界對白應該是發自真心而非刻意安排,否則就是千嬅影后級的演技在發功了(電視畫面)

今集其他嘉賓們和主持人的言論亦好有睇頭,點擊下圖先睹為快!睇吓到底有幾咁絕核!