曾志偉得悉今屆港姐取消出埠拍攝外景改去西貢 即笑言:咁遠呀

撰文:張嘉敏
出版:更新:

曾志偉以奇華餅家代言人身份拍攝的最新一輯月餅廣告進行首播禮,廣告中他與3位小朋友一齊演出。對於志偉來說,同小朋友演對手戲並不困難,志偉表示:「對住小朋友最緊要有愛心,佢哋鍾意你就得,小朋友充滿童真,同佢哋相處要比佢哋有更大嘅童真,所以要返老還童。同埋要好有耐性,你最好嘅鏡頭未必係佢哋最好嘅鏡頭,同佢哋拍嘢要用多10倍嘅時間同精力。」

曾志偉已經做咗23年代言人。(陳順禎攝)

志偉又話因為平日有同孫女玩,令他擅長應對小朋友,自己也特別有愛心和耐性。至於將來可會想帶埋孫兒一齊拍廣告,他說:「代言咗23年,之前都試過同我媽咪同囡囡三代同堂拍,睇下第時有無機會啦。」

另外,提到港姐2018競選,曾擔任港姐司儀多年的志偉坦言亦有留意,並大讚今屆佳麗質素比上年好。而當他聽到
今年港姐取消外景拍攝,最近到了西貢拍特輯一事,就以為是去了越南 的西貢,其後得悉原來是香港的西貢笑時,即笑言說:「西貢咁遠呀,離將軍澳好遠喎。(會唔會覺得今年失色咗?)我自己就鍾意以前嘅模式,可以不斷更新嘅,但有啲嘢係需要保留原味。」

佢話對住小朋友要反老還老。(陳順禎攝)
+7

提到早前黃百嗚公開表示,因爲近年志偉不拍賀歲片所以他也不拍了,若志偉出年拍他才會拍,對此志偉說:「好呀,我有睇報道呀,都諗住約百嗚出嚟坐低傾下,睇下出年一齊拍定係各自拍一套嚟打對台囉。之前連續拍咗幾年拍到攰,咪休息一下先再拍。我鍾意拍賀歲片㗎,想帶歡樂畀大家,睇賀歲片係每年一度全家人一齊參與嘅節目,所以題材一定要合家歡,要係開心嘅。拍賀歲片賣錢寓意開個好年,就會成年行大運,你睇黃子華今年套賀歲片幾賣座,佢個楝篤笑又場場爆滿,成年個勢都好好。」

佢話會同黃百嗚夾定出年再拍賀歲片。(視覺中國)