張繼聰健身健心有辦法:想健身唔可能一世清淡

撰文:
最後更新日期:

張繼聰出席活動時分享健身期間的飲食心得:「其實食啲乜嘢主要係睇你處於邊個時期,想要有啲咩功效,例如我有時為咗應付拍攝需要上鏡啲,咁就要降低個脂肪率,所以修身階段就會食得清淡啲。以我而家嘅階段就係要食多D先夠力舉得更重,咁就需要食多啲,但都唔會太油膩,始終你食得太肥之後會好難減番,講到戒口我最多都係少食甜品同太過油膩嘅嘢。」

張繼聰話其實健身毋須過份戒口,只要長期有運動習慣,可以容許不時放縱自己任食一餐。(陳順禎攝)

張繼聰更即場拆解健身謬誤:「有啲人會話我要keep fit,所以唔食野,根本就冇可能,你可以唔食一時,但真係冇可能一世都唔再食,所以健身其實可以有cheat day,只要你係長期做開運動,就唔會一餐食肥你,可以每隔幾個禮拜畀自己有一次一次任食所有野嘅機會,等你食夠10球雪糕,開心返咯咪繼續做運動囉!」他又呼籲市民:「普羅市民唔需要練到我哋拍野咁一舊舊,又爆曬筋咁,只要飲食均衡,長期做運動,咁就自然會生活得開心。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。