健美療程原來可以狂食肉 雨僑：有個新飲食法，脂肪比例最高
撰文：郭芷晴
出版：更新：
雨僑今日 (1日) 出席餐廳開張儀式，談到最近的飲食習慣有改變。「我依家有個新飲食法，脂肪比例最高，其次係澱粉質，再加適量蔬果。所以我近排食好多肉，例如燒肉呀，和牛韓牛咁樣。」為了配合這次健美療程，雨僑也為廚房添置不少新器材，如三層蒸架等。另外雨僑和老公羅力威原來也喜歡在家玩煮飯仔，羅力威更大讚老婆好手勢：「佢應該好滿意 (我廚藝)，因為佢無得揀。」雨僑笑說。不過她補充在洗碗方面，老公就比較有「天賦」：「我有時洗完個煲，發現個煲蓋仲係油淋淋嘅，所以洗碗都係交比佢，佢細心啲。」
雨僑的新飲食法以脂肪為主，所以她名正言順可以做食肉獸，旅行時大啖石垣牛。(陳順禎攝)
近來雨僑都和老公旅行度蜜月，更趁此機會大嘆美食：「我食左好多石垣牛，當地有好多唔同煮法，例如就咁燒或者burger，再加上我最近又實行緊新飲食法，所以真係瘋狂食。」不過粉絲關注的焦點卻不是牛，而是由雨僑老公操刀的一輯美照。雨僑笑說自己成功把老公訓練成攝影高手：「佢訓練有素架！不過我地去旅行搞到好似訓練營咁，因為要揹住三四部機，個袋本身已經好似潛水氧氣樽一樣咁重，仲未計燈同腳架。但去旅行呢啲好難帶個助手去影相，所以最好就係訓練自己老公。」
雨僑和老公去旅行時攜帶的攝影器材，加起來猶如氧氣樽般重，她笑說有點像訓練營。(陳順禎攝)
雨僑在結婚前後的五六個月都沒有放過假，「拍左一套劇，一套旅遊節目。所以我特登同公司攞左少少假，一來想去其他地方玩下，二來我都想增值自己，學啲唔同嘅野，帶啲唔同嘅作品俾大家。」