【BB來了】著住《C9特工》戲服去宣傳 高海寧忙到劇照劇無假放
撰文：翁漢瓏
出版：更新：
高海寧出席活動時仍然穿著《C9特工》的造型，可見她的拍攝行程亦相當頻密，不過她似乎頗為享受，提及劇集《BB來了》時，她謂：「我嘅部分已經大結局咗，但見到觀眾咁鐘意，係街見到我仲會叫我劇入面個名就覺得好開心，希望之後會有續集，可以拍埋BB出世之後嘅故事比大家睇。」她又即場分享《C9特工》拍攝過程：「呢排太陽真係好曬，曬到我都黑左好多，不過健康膚色都幾好睇，轉下形象都冇壞，最怕係曬到我一達達，隻手有錶帶痕就唔靚啦！」
高海寧面對忙碌的拍攝生活依然苦中作樂，曬黑當轉形象，更希望可以參與拍攝《BB來了》續集。（梁碧玲攝）
高海寧雖然興高采烈地分享拍攝時的情況，但其實面對炎炎夏天她又何嘗不想出外旅遊呢？她表示：「唉，我都好想出去玩，有時面對住天氣咁熱，我都係諗點解我仲會喺度，我應該係海邊曬緊太陽至係㗎嘛！不過都冇辦法，之後仲有套《殺手》開拍，仲未得閒住。」
高海寧表示希望外出旅遊，時常幻想自己身處陽光與海灘，可惜拍劇工作忙碌未能如願。（梁碧玲攝）