傳曾志偉亮相ViuTV成導火線 無綫忍無可忍下令封殺

撰文:
最後更新日期:

志偉尋日出活動,TVB都有人去採訪同播出街。

係人都知方丈份人好小氣,真係一個唔覺意就好容易會得罪方丈,近日有傳方丈的黑名單又增添了一員猛將,而呢個人竟然係曾志偉。志偉與無綫合作多年關係一直良好,他的獎門人形象更是深入民心,且成為綜藝組的台柱,有指志偉曾經因為想爭取綜藝組的話事權,而一度與高層余詠珊傳出不和。雖然事後志偉亦有應邀出席去年台慶,不過他卻依然心存芥蒂,且連番犯下三宗罪觸怒TVB,致令TVB終決定要封殺他。

志偉係永遠嘅獎門人。

第一宗罪,志偉於2013年的港姐競選期間,曾公然批評由余詠珊負責的新改革賽制,不滿由多年的現場 (Live) 騷轉為錄影節目。到了去年的港姐競選舉行時,他又再出言狠批佳麗的質素,甚至以「慘不忍睹」來形容該屆的港姐決賽。

志偉唔止一次踩港姐。

第二宗罪,有傳志偉曾於2016年亞視熄機時,四出幫亞視搵投資方出錢購買亞視,更向TVB幕後員工進行大挖角,一心想組班由他親自帶領的製作團隊來跟TVB對撼。志偉此舉當然惹來TVB的極度不滿,不過最後因未能成事,故TVB亦不對志偉作追究。TVB也有邀請志偉出席去年的《萬千星輝賀台慶》。

有傳志偉同余詠珊不和。

第三宗罪,志偉月前竟然於俄羅斯世界盃2018舉行期間,倒戈亮相ViuTV的《Good Night Show 全民睇波派對》節目擔任嘉賓,又以明星足球隊成員的身份,應ViuTV之邀到俄羅斯欣賞世界盃決賽,擺明唔畀面無世界盃播映權的TVB。他在訪問中仲話將來會再同ViuTV合作,又話TVB唔會咁小器的,但事實上TVB卻視志偉今次的言行是一種挑釁,亦成為了他被封殺的導火線,TVB的高層更是怒不可遏,終忍無可忍而決定要封殺他,嚴禁他再於TVB亮相。

志偉亮相ViuTV成了被TVB封殺嘅導火線。

而昨日志偉以代言人出席活動時,被問到可有留意今屆港姐時,雖然有讚今屆的佳麗質素比往年好,但就取笑TVB安排佳麗到西貢取景拍特輯一事,他說:「越南個西貢?原來係香港個西貢,西貢咁遠呀?將軍澳好遠喎!(覺唔覺得失色咗?) 我自己就鍾意以前嘅模式,可以不斷更新嘅,但有啲嘢係需要保留原味。」繼續其敢言,無懼方丈嘅作風。

其實汪明荃都有上ViuTV㗎。

+7
+6
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。