【甜蜜暴擊】鹿晗露肉睇到觀眾心心眼 粉絲勸他把衣服穿回去

撰文:
最後更新日期:

有睇電視劇的觀眾都知道,近年唔少男星都在劇集中賣肉吸收視(韓劇更甚),睇到觀眾目不轉睛心心眼又口水直直流,自自然然引來唔少話題。而一向守身如玉的內地男星鹿晗,亦諗唔到都加入呢個行列,在熱播中的青春劇《甜蜜暴擊》中祼上身沖涼,令大家難得一見他健身了一段時間的好身材。雖然難得露肉,不過似乎沖得唔夠自然遮遮掩掩,正面露出都唔夠5秒,反而另一演員大方自然成為了焦點,睇嚟鹿晗要再加把勁喇!

鹿晗在《甜蜜暴擊》難得露肉,令唔少電視友對他刮目相看。(網上圖片)

過去男星玩露肉通常已經鍛鍊了好身材,在鏡頭前大方地晒肌,360度盡晒務求令電視友睇得過癮又提高收視。唔講韓星就講最近同樣有拍沖涼戲的陳偉霆(William),他在劇集《南方有喬木》中就沖得好自然,大方晒背肌﹑二頭肌﹑胸肌,簡直係一覽無遺睇到電視友心心眼。而且他沖涼鏡頭足足拍了一分多鐘,完全是來個大放送。

陳偉霆沖涼就大放送。(網上圖片)

同樣係玩沖涼劇情的鹿晗就似乎保守咗少少,成段沖涼戲背部多過正面,好明顯是晒背肌不過就似乎…見唔到任何背的力量,即使轉返正面沖涼想晒胸肌不過似乎…都係見唔到有,正面畫面都唔夠5秒就完,被網民笑為「白切雞」同其他男星比較的確差少少。反而同他一齊沖的男演員裴子添就成為焦點,沖得自然而且身材又好,完全將他比下去。

鹿晗難得露肉睇到女觀眾心心眼。(網上圖片)

裴子添同鹿晗一齊沖,完全將他身材比下去。(網上圖片)

雖然肌肉未達到好Man的標準,不過有粉絲就認為鹿晗已經盡了最大努力,肯在鏡頭前露肉已經值得一讚,唔係穿衣服沖已經算好好啦,的確為了該劇犧牲了唔少。最搞笑的是有粉絲接受唔到偶像露肉,仲叫他穿返衫添「你給我把衣服穿回去,洗澡你也給我穿着潛水服」真係好好笑。

鹿晗被網民笑是「白切雞」。(網上圖片)

鹿晗露肉已經好大勇氣。(網上圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。