許家傑六位數接拍廣告 預告騷六塊腹肌只係基本嘢
撰文：冼燕珊
出版：更新：
許家傑（Jack）同四（2日）下午出席TVB舉辦的8月星辰活動，Jack亦係月中生日，對於今年生日會點慶祝？Jack指早前要忙拍攝兩部劇，宜家拍攝完畢，8月終於可以有一個小休息，「本來呢一段時間我想去旅行，但冇呢個機會，因為要拍攝《愛回家之開心速遞》，自己8月中都有一個廣告拍攝要除衫，所以好多朋友約食飯我都拒絕，過埋8月中我就可以去食飯。」
許家傑（Jack）8月16日生日，今日出席TVB舉行的《星辰派對》（陳順禎攝）
憑愛回家送水輝一角令到Jack工作上有更多機會，講到佢自己接咗一個廣告，酬勞更達到6位數，對於呢一個數字十分滿意，而今次Jack要大秀肌肉，佢對於自己操弗成果十分滿意，問到係咪準備秀六塊腹肌示人？Jack回應：「其實呢啲係好基本，希望會再好啲，會有人魚線，最好操到連塊面都有啦。」
Jack最近拍完劇一直都操弗身材，因為接下來要拍攝廣告。（陳順禎攝）
啱啱講到生日，其實Jack嘅生日願望之一會唔會都係結婚？Jack指暫時未有呢個計劃：「雖然收入多咗，我都講過有穩定收入都會考慮，但係同我目標仲有一段距離，希望今年再畀心機，可以接下來兩三年會考慮。」