【港姐2018】TVB人工7千願唔願意？ 2號庄嘉慧：港姐唔係為咗錢
撰文：林迅景
出版：更新：
香港小姐2018競選的20位佳麗真的是臥虎藏龍，有見實建築師，又有作曲家、酒店地產分析師，而2號庄嘉慧（Kathy Chong）就是一名珠寶設計師，比起來一點也不輸蝕。「我宜家係自己（freelance）做嘅，例如幫啲客做珠寶設計，佢哋要啲咩石，我就幫佢哋搵，再搵廠整。」庄嘉慧表示，如果客戶要求，亦可代為設計。
26歲庄嘉慧雖然比起同屆年齡稍為大咗少少，但係亦代表比起其他人工作經驗同社會歷練多啲。（林迅景攝）
乍看之下珠寶設計是賺大錢的行業，但原來收入並不是穩定。「有客咪ok囉，其實我哋啲profit（利潤）都唔高嘅。可能係，幾千蚊嘅嘢，賺嘅最多可能幾百蚊至一千，如果係成萬蚊或者十幾萬嘅，咪賺得多啲。（一個月搵幾多？）十幾萬就冇嘅，大約幾萬囉。（4萬？）差唔多咁上下。」
睇真啲，庄嘉慧（Kathy）其實對答如流之餘，都幾靚㗎。（林迅景攝）
TVB起點人工低其實都眾所皆知，在多勞多得的情況下，真的會有藝人每月只得7千元工資。問到庄嘉慧會否介意每月只得7千元收入，她回答說：「入嚟TVB嘅話，其實唔會諗拎到幾多錢人工，有啲人人工7千蚊，可能係你未問過其他比較多人工嘅呢。（如果每一日都要返工又人工剩係得$7000呢？）我會考慮嘅，因為本身嚟參選港姐，就唔係為咗錢，你都係想證明自己㗎嘛，呢個就係個point囉。」又言之有理喎，選港姐啫，又唔係見工。