孫慧雪產後修身成功再影寫真:三管齊下2個月見效

撰文:
最後更新日期:

孫慧雪生咗囝囝Riley之後,差不多做咗一年Full time mum,除咗出席活動大部分時間都陪住囝囝。(孫慧雪IG)

孫慧雪囝囝勁有表演慾 小Riley聽Bigbang跟住跳

+3
+2

以前結咗婚生小朋友,即使唔做主婦相夫教子,事業上都少有再搏殺,扮靚嘅日子更加係一去不復回。孫慧雪話晒係宅男女神,但去年結婚懷孕,孕肚巨到好似陀孖胎一樣,BB出世後要餵人奶又唔可以過份節食。但雪雪身體力行話俾大家知:「世上無醜女人只有懶女人」三管齊下怒減27磅,呢日仲再披戰衣影寫真,Fit到不禁令人質疑係咪婚前影落架﹗雪雪即時扮嬲話:「尋日影架﹗不過多謝你,証明有成果哈哈﹗」

同大家重溫一下阿雪嘅巨肚,不停被懷疑係孖胎都真係好正常。(孫慧雪IG)

孫慧雪43吋巨肚惹雙胞胎疑雲 8月生得:BB太巨型可能要開刀

8月5號晚阿雪上載呢張靚相,唔係產前而係即日影即日上載架﹗(孫慧雪IG)

5號夜晚忽然見到阿雪上載一張新相,扎起丸子頭著住白色lace Bra Top少女味濃。之前阿雪出席活動時仲有啲肉地大呻要努力修身,原來默默努力已經有成果﹗阿雪接受香港01訪問時笑言:「呢張相尋日影完即晚收到即刻Po,呢排都好俾心機減肥,由生完147減到120磅,比生B前仲差5磅左右。」

重溫一下婚前阿雪嘅寫真,仲差嗰5磅真係睇唔出有咩分別。

【多圖】藝人婚照類型多元化 岑麗香陳柏宇孫慧雪各有特色

同輯另一張靚相,著上長袖牛仔外套騷腿。(受訪者提供)

新手媽媽就算有工人幫手,落力照顧小朋友,都無咩時間再扮靚修身,阿雪都話自己曾經Hea過,減肥永遠得把口:「因為8月中開劇,之前有段時間得個講字,到要拍劇有人個目標就可以下定決心。成個起居飲食生活習慣都要改變,飲食要節制,宜家有個Personal trainer教我用健康方法減磅,另外有紮肚,因為生完BB盆骨闊咗,三管齊下效果真係明顯啲。呢兩個月先真正俾心機落力減,落咗超過十磅。新手媽媽畀心機呀﹗真係只有懶女人無醜女人架﹗」

生完BB盆骨位會變闊,阿雪都有紮肚修身,日日紮住8至10個鐘,真係有成果架。(孫慧雪IG)

要減磅減得快,飲食要節制,運動亦必須要日日做,堅持自然會有成果。(孫慧雪IG)

忽然出現呢張靚相,加上之前書展阿雪都有到場,不禁令人聯想起修身成功會唔會再出一本留念呢?「書展時其實好多人INBOX我之前本寫真有無得補購,本身講過無唯一一本,絕版就由得佢絕版做回憶。不過實在太多人問,司徒夾帶都有同我傾過要唔要影多本,自己都諗始終做咗媽媽,大家仲會唔會想睇,出一本健康性感,鼓勵下新手媽媽生完都可以繼續靚。」

之前書展阿雪都有入場,睇住其他人嘅寫真,唔少網友都留名叫阿雪不如重出江湖。(孫慧雪IG)

呢件吊帶裙露出事業線都幾性感,阿雪就話啲衫老公幫手揀所以絕不詐型。(受訪者提供)

話就話最緊要影出嚟靚,不過已為人妻人母,拍攝尺度都要諗下另一半介唔介意嘅。阿雪呢幾張相主要露腿同少少事業線,原來啲衫係佢老公幫手揀架:「本身都有啲緊張,生完BB後都無影咩靚相,今次算第一輯相,到底影咩造型,著咩衫好呢?老公完全無問題,覺得靚就可以,仲笑住話你終於返去以前靚嘅時候個狀態啦﹗」

其實阿雪仲係少女味極濃。(受訪者提供)

+11
+10
+9


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。